Sau

Sau
Systematik
Überordnig: Laurasiatheria Ordnig: Baarhuefer (Artiodactyla) Underordnig: Söiartigi (Suina) Familie: Ächti Söi (Suidae) Art: Wildsau (Sus scrofa) Underart: Sau
Wüsseschaftlige Name
Sus scrofa domestica
Linnaeus, 1758

D Sau isch die domestizierti Form vo dr Wildsau und bildet mit ere en äinzigi Art. Si ghöört zur Familie vo de Ächte Söi us dr Ordnig vo de Baarhuefer. Es git Gebiet uf dr Wält, wo verwildereti Söi frei in dr Natur lääbe. Söi si Allesfrässer und frässe dierischi und pflanzligi Naarig.

D Sau isch äins vo de Husdier, wo am früeste in dr menschlige Zivilisationsgschicht domestiziert worde isch und es wird sit vermuetlig 9000 Joor as Fläischbrodzänt gnützt. In Öiropa und Ostasie isch Söifläisch d Fläischsorte, wo am hüfigste gässe wird. Hüte wärde Söi vor allem in gröössere Alaage ghalte.

D Söi ghööre zu de intelligäntiste Dierarte, wärde aber vo vile Massezuchtbetriib nit artgrächt ghalte.

Im Juudedum und im Islam gältet Söifläisch as unräin und mä dafs nit ässe. Au die ethiopisch-orthodoxi Chille kennt e Verbot vo Söifläisch und im Hinduismus asse s nume die undere Kaste.

• Lyall Watson: „The whole hog“. Exploring the extraordinary potential of pigs. Profile Books, London 2004, ISBN 1-86197-736-0.
• Ingo König, Ingeborg Tschinkel, Heinz Scheller: Schweinebesamung. Biologie, Technik, Organisation. Deutscher Landwirtschaftsverlag, Berlin 1971.

  Commons: Sau – Sammlig vo Multimediadateie

• Schweinehaltung - Bricht vo dr Albert Schweitzer Stiftung
• www.schweineart.de
• Neue Info zur Domestikation

Dä Artikel basiert uff ere fräie Übersetzig vu dere Version vum Artikel „Hausschwein“ vu de dütsche Wiki Alemannisch. E Liste vu de Autore un Versione isch do z finde.