Orig

An mga orig kaiba na diyan an mga napagaro' na mga ataman na orig asin an ginikanan kaini. Siring man kaiba na sa klapikasyon an inapod na Eurasian wild boar (Sus scrofa) o opon o idtong mga layas, asin mga iba pang species kaini. An mga orig tubong tal sa kontinenteng Eurasia asin Aprika. Orig-orig apod kan mga hubin pang orig. Sinasabing an mga orig nakikiramas na gayo sa kapwa niya asin pwede ngane gibohon alag. Saro daa sa intelihenteng hayop an orig.

Orig Temporal range: Early Pleistocene to recent
Domestic pigs (Sus domesticus) in Vampula, Finland.
Sayantipiko na klasipikasyon
Kahadean:	Animalia
Paylo:	Chordata
Orden:	Artiodactyla
Pamilya:	Suidae
Subpamilya:	Suinae
Genus:	Sus Linnaeus, 1758
Species
See text

May mga 1 bilyon na buhay an species na ini sa anoman na peryodo, an orig na domestikado iyo an saro sa pinakadakul sa mga mammal sa presenteng nabubuhay sa mundo. An mga orig mga omnivorous (nakakan mga tinanom asin mga karne) asin maski ano na sana an pwedeng kakanon.Sinasabing an mga orig nakakaagid sa biolohikong kamugtakan sa mga tawo kaya an mga ini parati ginagamit sa medikal na pag'adal asin mga ekspiremento.

An tipikal na orig igwang dakulang payo asin may halabang ungos na pinapusog nin espesyal na tu'lang asin malaplatong cartilage sa poro kaini. An ungos kaini nagagamit sa pagbungkal sa daga sa paghanap nin pagkakan. asin may makusog na pamarong. Lambang bitis kaini igwang apat na muro na kukod sa porma; lambang "bitis" igwang duwang mga muro na an tahaw kaini mga muro iyo an nagdadara kan gabat sa paglakaw, asin an duwang sa gilid na mga muro ginagamit sa mga malumoy na lakawan.

•  
  Nagtuturog na Orig
•  
  Mga ataman sa origan
•  
  Mga orig-orig
•  
  Anayon
•  
  Orig na Bornean, balukagon
•  
  Kukod kan orig
•  
  Mga layas (razorbacks) na orig sa Florida