Tubig

Bilang sarong kemikal na pagraramas, an sarong tubig na molekulo linalaman nin sarong oksiheno asin duwang hidrogeno. An tubig, likido kun nakaag sa estandarteng temperatura asin presyon alagad dungan na naeksiste ini sa Kinaban sa iba-iba niyang kamugtakan o estado komo yelo o komo sarong alintoto. Yaon man ini sa estado bilang snow, alopoop, ambon, o panganuron.

An tubig napatos 71% kan ibabaw nin Kinaban. Mahalaga nanggad ini sa gabos na porma nin pagkabuhay. Sa Kinaban, sinasabing 96.5% kan tubig kan planetang ini an yaon sa mga dagat, 1.7% sa irarom daga, 1.7% sa mga glaciers asin taklob yelo kan Antarctica asin Greenland, dikit na porsyon sa ibang darakulang hawak katubigan, asin 0.0001% sa ayre bilang alintoto, panganoron (na binibilog ni yelo asin likidong tubig suspendido sa ayre), asin mga pagtete. Sinasabing 2.5% daa kan tubig sa KInaban an tubig-tabang, asin 98.8% kan tubig na iyan sa pormang yelo (dai kabilang an yelo sa panganoron) asin sa irarom-daga na tubig. Kulang sa 0.3% kan gabos na tubig-tabang an yaon sa mga salog, danaw, asin sa atmospero, asin mas dikit ngane kan tubig-tabang nin Kinaban (0.003%) an nalalaom sa mga hawak biolohiko asin sa mga produktong ginigiribo.

• OECD Water statistics
• The World's Water Data Page
• FAO Comprehensive Water Database, AQUASTAT
• The Water Conflict Chronology: Water Conflict Database
• US Geological Survey Water for Schools information
• Portal to The World Bank's strategy, work and associated publications on water resources
• America Water Resources Association
• America Water Resources Association
• Water structure and science