Elemento Posporo: Elemento
An posporo (Spanish: fósforo, Ingles: phosphorus) iyo sarong elementong kimikal na naggagamit nin simbolong P asin nin atomikong bilang na 15.
Sarong multivalent na dae metal na kabale sa grupo nin nitroheno, an posporo iyo harus mahihiling sa mga dae-organikong gapong phosphate. An elementong posporo iyo may duwang klaseng lakop-lakop - an puting posporo asin pulang posporo. Maski ngani an boot-sabihon kan taramong "phosphorescence" iyo magliwanag matapos an pag-ilaw, hale sa taramong posporo, an ilaw nin posporo iyo naggigikan sa pag-o-oksihena kan puti -(pero dae pula)- nin posporo sagkod dapat inaapod na chemiluminescence.
Nin uli sa halangkaw kaining reaktibidad, an posporo iyo dae nuarin man nahahanap bilang talingkas na elemento sa kalibotan kan kinaban. An kaenot-enoteng klase nin posporo (puting posporo, kaidtong 1669) iyo nagluwas nin maluyang ilaw matapos matamaan nin oksiheno— kaya pigbansagan ining (gikan sa mitolohiyang Griyego) Φωσφόρος, na an boot-sabihon iyo "tagadara nin liwanag" (lenggwaheng Latin: Lucifer), na pigsisimbolo an "Bituon nin Pagka-aga", an planetang Venus.
An posporo iyo parte nin DNA, RNA, ATP, pati na an lipidong-posporo na parte nin mga cell membranes. Ini iyo sarong esensyal na elemento para sa gabos na buhay na selula. Harus man ining mahihiling sa mga pataba, pulbura, toothpaste, pestecide, mga sabon panlaba, asin siyempre, sa mga posporo mismo.
Hilingon man
Toltolan
| An Wiki Commons igwa nin medya dapit sa Phosphorus. |
This article uses material from the Wikipedia Bikol article Posporo (elemento), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.