Skulptuer
In skulptuer is in romtlik byldhouwurk dat foarmjûn is troch materiaal wei te heljen (de subtraktive metoade), yn tsjinstelling mei in plastyk, dat in romtlik keunstwurk is dat modellearre is troch tafoeging út in beweechlike, plastyske massa as klaai of was, of ek jitten (de additive of opbouwende metoade).
It gearfoegjen fan besteande materialen wurdt assemblaazje neamd.
Materialen
Skulptueren wurde fanâlds makke út starre materialen as natuerstien en hout, mar fierdere materialen kinne bygelyks wêze gips, keunststof, beton, bakstien of polyuretaanskom (PUR).
Houwen en snijen
De technykfn it foarmjaan yn dizze materialen wurdt tradisjoneel 'houwe' (hakke) neamd, fandêr de term byldhouwer foar in romtlik wurkjend keunstner. Dizze term is úteinlik de algemiene beneaming wurden foar romtlik wurkjend keunstners, ek as hja net op de subtraktive metoade wurkje.
Keunstners dy't materialen as hout, ivoar, bien en sêfte stiensoarten bewurkje (snije mei beitel en guts) wurde fanâlds ek wol byldsnijer neamd. Foar oare subtraktive techniken as skave, raspe en seagje bestiet gjin ôfsûnderlike term om de keunstner mei oan te tsjutten.
Sjoch ek
- Plastyk
- Assemblaazje
- Steenbeeldhouwer
- Byldhouwer (keunstner)
- Byldsnijer
- Houtfykwurk
This article uses material from the Wikipedia Frysk article Skulptuer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.