Biskop Redbad
De hillige Redbad fan Utert (of Radbod) (by Namen, om 850 – Ootmarsum, 29 novimber 917) wie biskop fan Utert fan 899 oant 917.
Syn nammedagen binne 29 novimber en 25 juny (de dei fan syn translaasje).
Redbad waard mids 9e iuw berne út in Frankyske famylje fan namme ûnder de stêd Namen. Syn mem wie fan Frysk komôf en in neisiet fan de Fryske kening Redbad (stoarn yn 719).
Patroanhillige
Yn Nederlân is Redbad de patroan fan de katolike wittenskipsbeoefening. Yn 1905 waard de Sint-Radboudstifting oprjochte mei it doel it befoarderjen fan it katolyk heger ûnderwiis yn Nederlân en benammen mei de oprjochting fan in katolike universiteit. Yn 1923 waard de Katolike Universiteit Nimwegen iepene en yn 1956 it Sint-Radboudsikehûs (no Radboudumc) dat dêr by heart. Op 1 septimber 2004 hat de universiteit de namme Radboud Universiteit Nimwegen oannaam.
Tsjerke fan Jorwert
De iennige tsjerke fan Fryslân mei patroanhillige Redbad stiet yn Jorwert. Oannommen wurdt, dat de nei ‘Radboud (boadskipper fan goede ried)’ neamde tsjerke stifte is op grûn dy’t it eigendom wie fan de biskop.
Redbad, Radbod of Radbodus
Ien biskop, in soad nammen. De hjoeddeiske Frysktaligen skriuwe de namme Redbad mei koarte lûden – dy fan de eardere kening lyksa – en de Nederlânsktaligen brûke eigentlik Radbod mar skriuwe hjoed-de-dei meastal Radboud. It Aldfrysk jout de namme Rêdbâd. Boppedat fynt men yn it Latyn de skriuwwize Radbodus.
Literatuer
- M. Carasso-Kok, Repertorium van verhalende historische bronnen uit de Middeleeuwen (De Haach, 1981); kritysk oersjoch fan wurken dy't oan Redbad taskreaun wurde (nrs. 8, 18, 52, 53, 62, 80, 88, 89, 352) en fan de hilligelibbens oer Redbad (nr. 75)
- Vita Radbodi/ Het leven van Radboud, besoarge en oerset troch Peter Nissen en Vincent Hunink (Nymwegen 2004)
- A.G. Weiler, Sint Radboud, bisschop van Utrecht [Deventer] van 899/900 tot 917. Pastor, geleerde, historicus, dichter en componist, Trajecta, tydskrift foar skiednis fan it katolyk libben yn Nederlân 12 (2003) 97-115
- René Veenman,Radbouds Over de zwaluw, yn: Madoc 19 (2005) 194-203
- Albrecht Diem, Radboud was behalve bisschop ook nog eens een groot geleerde… De heilige Radbod van Deventer en zijn geleerdheid kritisch bekeken, yn: ET VT (Nijmegen) 23 (2004) 83-97.
 | Ofbylden dy't by dit ûnderwerp hearre, binne te finen yn de kategory Radboud of Utrecht fan Wiki Commons. |
| Boarnen, noaten en/as referinsjes: |
|
This article uses material from the Wikipedia Frysk article Redbad (biskop), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.