Recording Industry Association Of America
De Recording Industry Association of America (RIAA) is in organisaasje dy't de Amerikaanske muzykyndustry fertsjintwurdiget.
De leden binne platemaatskippijen en distributeurs fan muzykprodukten dy't neffens de RIAA sels 85% fan alle legaal ferkochte muzyk yn 'e Feriene Steaten produsearje, distribuëarje en ferhannelje.
| Recording Industry Association of America | ||
 | ||
| algemiene ynformaasje | ||
| ôfkoarting | RIAA | |
| nasjonaliteit |  Amerikaansk | |
| type org. | feriening | |
| wurkmêd | muzykyndustry yn de F.S. | |
| haadkertier | Washington, D.C. | |
| oprjochte | 1952 | |
| offisjele webside | ||
| riaa.com | ||
De RIAA waard yn 1952 oprjochte en is fêstige yn 'e Amerikaanske haadstêd Washington, D.C. It oarspronklike doel fan 'e organisaasje wie om 'e auteursrjochten fan 'e produsearre muzyk te behearen, om út namme fan 'e oansletten platemaatskippijen mei de fakbûnen te ûnderhanneljen, en om ûndersyk te dwaan dat ferbân hold mei de muzykyndustry en de oerheidsregels dy't dêrop fan tapassing wiene. Teffens waard der troch de RIAA in standerdisaasje fan lûdsdragers trochfierd, dy't resultearre yn 'e stereofoanyske plategroef en trije formaten grammofoanplaten: fan 33⅓, 45 en 78 toeren.
Tsjintwurdich is it doel fan 'e RIAA:
- it beskermjen fan 'e auteursrjochten en yntellektuële eigendomsrjochten fan artysten út 'e Amerikaanske muzykyndustry;
- it dwaan fan ûndersyk op it mêd fan 'e Amerikaanske muzykyndustry;
- it yn 'e rekken hâlden fan en kommentaar jaan op relevante wetten, regels en beliedspunten.
Oangeande dat lêste punt hat de RIAA sûnt 2001 elts jier tusken $2 miljoen en $6 miljoen útjûn om te lobbyen by de Amerikaanske polityk.
De RIAA is oansletten by de Ynternasjonale Federaasje fan de Fonografyske Yndustry (IFPI), en is as sadanich yn 'e Feriene Steaten ferantwurdlik foar de sertifisearring fan goudene en platina singles en albums.
Keppelings om utens
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Recording Industry Association of America, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.