In hektare is in ienheid fan oerflakte fan 100 m × 100 m = 10.000 m² en wurdt ôfkoarte as ha.
Yn in hektare geane 100 aren. In are hat in oerflak fan 10 m × 10 m = 100 m². In bunder, fan oarsprong in âldere oerflaktemjitte dy't justjes grutter wie as in hektare, waard by de ynfiering fan it metrike stelsel yn 1816 yn Nederlân gelyk steld oan in hektare.
De hektare en de are bestean as ienheidsmjitte sûnt de ynfiering fan it metryk stelsel yn 1816. Dêrfoar (en ek dêrnei noch) waarden begripen brûkt as pûnsmjit, bunder en moargen (sawat itselde as in hektare), dy't berekkene wiene op basis fan yn dy tiid jildende lingtemjitten lykas: in jellen, in foet, in roede, in tomme ensfh. De ôfmjittings dy't dêrmei oantsjutten waarden, ferskilden fan plak oant plak en fan gebiet oant gebiet. Tsjintwurdich wurde de beneamingen allinnich noch pleatslik brûkt.
Minsken dy't har net rjocht foarstelle kinne hoe't in hektare der út sjocht kinne tinke oan oardel fuotbalfjild. In fuotbalfjild mjit sawat 65 m × 100 meter, dat: 65 m × 100 m × 1,5 = 9.750 m².
This article uses material from the Wikipedia Frysk article Hektare, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.