Globalisearring is it ferskynsel dêr't de lannen, kultueren en minsken yn de hiele wrâld troch ekonomy, migraasje en ynformaasjetechnology hieltyd mear en hieltyd gauwer mei inoar ferbûn reitsje.
Kapitaalstreamen, tsjinsten, guod, mar ek ynformaasje en tinkbylden gean hiel hurd de wrâld oer, en lûke harren dêrby neat oan fan nasjonale, kulturele of ideologyske grinzen.
De Wrâldbank, de Feriene Naasjes, de Jeropeeske Uny, multinasjonale bedriuwen as Shell en Philips, it Ynternasjonale Reade Krús, McDonalds, Nike, Coca Cola binne allegear aspekten fan dizze globalisearring. De globalisearring giet lykop mei in mânske migraasje dêr't de minsken sawol út yndustrialisearre lannen lykas de Feriene Steaten, Grut-Brittanje, Japan en Kanada komme, as út net-yndustrialisearre lannen as Marokko, Gana en Pakistan.
By guons ropt de globalisearring wjersin op en wurdt ferantwurdlik achte foar it ferneatigjen fan de lokale tradysjes en kultuer.
This article uses material from the Wikipedia Frysk article Globalisearring, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.