De Blesse
De Blesse is in doarp súdlik fan Wolvegea yn de gemeente Weststellingwerf
| De Blesse | ||
 | ||
| Mûne De Mars | ||
| Emblemen | ||
 | ||
| Polityk | ||
| Lân |  Nederlân | |
| Provinsje |  Fryslân | |
| Gemeente |  Weststellingwerf | |
| Sifers | ||
| Ynwennertal | 810 (1 jannewaris 2023) | |
| Oerflak | 2,25 km², wêrfan: - lân: 2,21 km² - wetter: 0,04 km² | |
| Befolkingsticht. | 364 ynw. / km² | |
| Oar | ||
| Postkoade | 8397 | |
| Tiidsône | UTC +1 | |
| Simmertiid | UTC +2 | |
| Koördinaten | 52° 51' N 6° 2' E | |
 | ||
| Lokaasje De Blesse (grien) yn de gemeente Weststellingwerf | ||
| Offisjele webside | ||
| Side De Blesse-Pepergea | ||
| Kaart | ||
  | ||
It doarp hat 810 (1 jannewaris 2023) ynwenners.
Namme
Guon wolle der op oan dat de namme fan it rivierke Bles(se) komt, dat op syn bar de namme ûntliende oan Hugo van de Bles, dy't yn de 15e iuw op de pleats De Oude Bles tichteby De Eese wenne. Der binne ek guon dy't de namme yn ferbân bringe mei de betsjutting fan "plasse" of "sompe" .
De Blesse streamde út it Noardwâldskefean wei ûnder Finkegea en Steggerda lâns de râne fan it lângoed De Eese nei Knienebargen by De Blesse. It lêste part rûn bylâns de Ryksstrjitwei om op it lêst yn 'e Linde út te mûnjen. In part fan it âlde streamke waard eartiids útgroeven en bekend as de Blesser Feart.
Skiednis
De Blesse is net in âld doarp. Foar de 19e iuw stienen dêr mar in pear pleatsen, dy't doe ûnder Blesdike en foar in part ûnder Pepergea foelen. Nei it oanlizzen fan de ryksstrjitwei (Stienwikerwei) fan Ljouwert nei Swol yn 1828 groeide de buorskip. Yn 1834 waard de nôtmûne De Mars boud en der waarden sels twaris yn 't jier kij- en hynstemerken holden, de iene op pinkstertiisdei en de twadde op de earste tiisdei fan oktober. Oan de eastkant fan de wei ûntstie in kearn, dy't letter De Blesse of Blessebuert neamd waard. Tsjerklik bleau it doarp ûnder it memmedoarp fallen, al krige it yn 1880 oan de Stienwikerwei wol in ienfâldige kapel.
Noardlik fan De Blesse hie steedhâlder Willem Loadewyk yn 1583 by de Linde de Blessebrêgeskâns as ûnderdiel fan de Fryske Wetterliny oanlein. Munsterske troepen fernielden dy skâns yn it rampjier 1672-1673. Yn de 17e iuw hie it rivierke de Linde allinnich mar in oerset, in brêge kaam der pas yn 1668. De skâns is nei argeologysk ûndersyk yn 'e jierren 2009-2010 rekonstruearre. Dêrby waard ek in diel fan de âlde, meänderjende Linde wer útgroeven.
Yn 'e Twadde Wrâldoarloch waard der by de brêge oer de Linde in pear kear swier fochten. By it bombardearjen fan de trein út It Hearrenfean troch in Britske jager op 6 maart 1944 ferstoar in frou yn 'e âldens fan 21 jier. By in oare alliearde loftoanfal op 7 april 1945 op in Dútske motorrider ferstoar letter ien fan de by dat bombardemint ferwûne jonges. Beide slachtoffers binne op it begraafplak fan Wolvegea begroeven. Ta neitins hat de Feriening Histoarje Weststellingwerf op 4 maaie 2005 in tinkstien by de tagong nei it Swarte Weike lein.
Mei it jimmeroan drokker wurdende ferkear op de Stienwikerwei waard yn de jierren 1980 oan de eastlike kant fan it doarp parallel mei it spoar de autosneldyk A32 oanlein.
Mienskip
It multyfunksjonele sintrum fan De Blesse hjit 't Centrum. De Blesse en Pepergea dogge in soad mienskiplik. Sa ha de doarpen tegearre in doarpsferiening Pleatslik Belang De Blesse-Pepergea, dy't op 10 desimber 1864 oprjochte waard, en ek in mienskiplike feestkommisje en flagge. De fiertaal is meast Stellingwerfsk.
Tsjerke
Skoalle
Befolkingsferrin
| Jier | 1840 | 1954 | 1959 | 1964 | 1969 | 1974 | 2004 | 2009 |
|---|---|---|---|---|---|---|---|---|
| Ynwenners | 160 | 322 | 335 | 335 | 448 | 721 | 710 | 825 |
| Jier | 2015 | 2020 | ||||||
| Ynwenners | 786 | 800 |
Ferienings
- Fuotbalferiening VV De Blesse
It besjen wurdich
_01.jpg)
Strjitten
Boppewei, Domeinewei, Ikeleane, Ingelskesteech, Eskdoarnstrjitte, Franke Deddenstrjitte, Hagedoarnstrjitte, Kninebergen, Markewei, Master Baasstrjitte, Hagedoarnstrjitte, Nijstrjitte, Spoarleane, Stienwikerwei.
Sjoch ek
| Boarnen, noaten en/as referinsjes: | ||
|
| | Weststellingwerf | |
|---|---|---|
| Doarpen en útbuorrens: Aldeholtpea • Aldeholtwâlde • Aldetrine • Aldlemmer • Blesdike • De Blesse • Boyl • Easterstreek • Finkegea • De Hoeve • De Langelille • Munnikebuorren • Nijeholtpea • Nijeholtwâlde • Nijetrine • Nijlemmer • Noardwâlde • Pepergea • Sânhuzen • Skerpenseel • Slikenboarch • Sonnegea • Spangea • Steggerda • Teridzert • Wolvegea | ||
| Buorskippen: Boekelte • De Grêft • Rysberkampen • Skoattersyl (foar in part) | ||
| wizigje | ||
This article uses material from the Wikipedia Frysk article De Blesse, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.