It CMYK-kleursysteem is in systeem mei fjouwer basiskleuren dêr't in grut tal mingkleuren út krigen wurde kinne troch in proses fan subtraktive kleurminging.
De útlis foar de ôfkoarting is sa:
By mearkleuredruk wurdt mei de key plate ("drukplaat") ferwiisd nei de 'artistike details', d.w.s. de linen en effekten (yn tsjinstelling ta de kleurflakken). Dy details wurde ornaris yn 'e dûnkerste kleur drukt, te witten: swart. Dat is dan by CMYK hast ek altyd de fjirde kleur.
It CMYK-systeem wurdt benammen brûkt by drukinketen en ferven. Ek komt soms it CMY-kleursysteem foar, wêrby't gjin swart brûkt wurdt. Yn 'e druktechnyk liedt dat lykwols yn 'e regel ta te ljochte ôfbyldings, om't de dûnkerste kleur dy't mei syaan, maginta en giel makke wurde kin in dûnkerbrunige tint griis is. Dêrnjonken rekket papier trochweakke mei inket as der in kombinaasje fan 100% syaan, 100% maginta en 100% giel op printe wurdt.
De CMYK-koade foar in kleur wurdt werjûn troch it dekkingspersintaazje fan 'e fjouwer inketen dy't nedich binne om dy kleur te meitsjen. As de basiskleuren by trije assen lâns útset wurde, kriget men de CMYK-kleurekubus.
Boarnen, noaten en/as referinsjes: | ||
Foar boarnen en oare literatuer, sjoch ûnder: References, op dizze side.
|
This article uses material from the Wikipedia Frysk article CMYK-kleursysteem, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.