In aksjekomeedzje is hybride filmsjenre wêryn't eleminten út 'e komeedzjefilm fermongen wurde mei eleminten út 'e aksjefilm ta in miks fan humoristyske foarfallen en oneliners en in spannende plot mei gefaarlike stunts.
Dit sjenre belibbe syn heechtijdagen yn 'e 1980-er jierren yn Noard-Amearika, doe't komiken lykas as Eddie Murphy rollen begûnen te spyljen dy't mear thúshearden yn aksjefilms. Foarbylden fan aksje-komeedzjes binne 48 Hrs. (1982) en de Beverly Hill Cop-trilogy (1984, 1987 en 1994). Aksjekomeedzjes binne faak saneamde buddyfilms, wêryn't twa partners dy't eins net byinoar passe harren ûnderlinge problemen op sjen moatte te lossen om ôfweve te kinnen mei mienskiplike fijannen. Dat is bgl. it gefal yn 48 Hrs., mar ek yn Bad Boys (1995), Rush Hour (1998) en Starsky and Hutch (2004). Nau mei it sjenre fan 'e aksjekomeedzje besibbe, binne western-komeedzjes lykas Shanghai Noon (2000) en slapstick-fjochtsportfilms lykas in grut part fan it oeuvre fan Jackie Chan.
Boarnen, noaten en/as referinsjes: |
Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Aksjekomeedzje, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.