1 jannewaris - It riden op de fyts mei reflektoaren aan de sydkant fan de bannen, de saneamde fytsbânreflektor, wurdt ferplicht steld.
Om heal jannewaris hinne sucht Nederlân ûnder in ekstreme kjeldperioade. De temperatuer komt op in soad plakken sels oerdei net boppe de -10° út en yn kombinaasje mei in hurde wyn is it sa ûnlijich dat it KNMI foar it earst warskôget thús te bliuwen.
20 jannewaris - Op it hichtepunt fan 'e Libaneeske Gizelderskrisis wurdt Terry Waite, de gesant fan 'e aartsbiskop fan Canterbury, dy't stjoerd wie om te bemiddeljen by de frijlitting fan 'e gizelders, sels yn gizeling nommen.
31 jannewaris - Foar it earst yn de skiednis wurdt in Nederlânske spylfilm ûnderskieden mei in Oscar. De Oanslach fan Fons Rademakers wurdt bekroand as de bêste net-Ingelsktalige film fan 1986.
1-2 maart - Benammen de provinsje Drinte wurdt troffen troch in ekstreem soad izel. Foarwerpen wurde bedutsen troch in iislaach fan op syn minst 1 sintimeter dik. Beammen en heechspanningsmêsten knappe ôf.
6 maart - Foar de Belgyskekust sinkt de fearboat MS Herald of Free Enterprise, wêrby't 193 opfarrenden om it libben komme.
6 maaie - De Frysktalige punkband Strawelte jout syn earste optreden.
9 septimber - Ferdi E. ûntfiert Ahold-topman Gerrit Jan Heijn en fermoardet him noch deselde dei. De ûntfiering hâldt Nederlân maonnenlang yn de besnijing, oant yn april1988 Ferdi E. oppakt wurde kin.
19 oktober - De beurskrach op Swarte Moandei docht belizzers beevje. Nea earder sakken wrâldwiid de koersen op ien dei mei mear as 20%.
18 novimber - By de brân yn it King's Cross-metrostasjon yn Londen komme 31 minsken om.
Ofbylden dy't by dit ûnderwerp hearre, binne te finen yn de kategory 1987 fan Wiki Commons.
This article uses material from the Wikipedia Frysk article 1987, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.