Capitalisim
Il capitalisim al è un sisteme economic, dula' lis impresis o i privâs citadins an le proprietât dai mieç di produzion e fasin ricôrs al lavôr subordinât par la produzion di bens o servizis, scomençant da lis materas primis lavoradis, par gjenerâ un profit traviars le vendite direte o indirete.
Cheste produzion, basade su la domande e le ofiarte dal mercjât, ven clamade economie di mercjât e si cuintripon a le economie planificade, caraterizade inventi da une pianificazion centrâl de bande dal Stât. Invezit di planificâ lis decisions economichis cun traviars le politiche come in tal câs dal feudalesim o dal socialisim, venlassade plene e libare iniziative ai imprenditôrs.
Pui in particolâr, par capitalisim si puès intindi lis teorîs utilizadis par spiegâ il funzionament di chests mercjâts, e a dirigi l'aplicazion o ancje l'eliminazion di regulis governativis di proprietât. Le stesse peraule ven doprade ancje par le definizion dal sisteme economic e par estension di dute le societât indulâ il funzionament al è basât su la posibilitât di cumulâ e concetrâ le richeze in une forme trasformabil (i beçs) che puedin jessi invistûts in mût che cheste concentrazion sedi doprade come mieç produtîf.
This article uses material from the Wikipedia Furlan article Capitalisim, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.