Zuringoa (izen arrunta) edo albumena (izen zientifikoa) arrautzak gorringoaren inguruan duen likido erdigardena da, enbrioia elikatzen eta babesten duena.
Nagusiki, uretan disolbatutako % 15eko proteina kopuru batean datza. Proteinen artean nagusia oboalbumina da, %55a inguru. Gorringoak ez bezala, zuringoak gantz kopuru oso urria du. 80 °C-an berotzen bada, koagulatu egiten da, eta kolore zuria hartzen du.
Okerreko ustea da zuringoa arrautzaren zitoplasma dela. Arrautzaren zitoplasma gorringoa da, biteloz betea dagoena eta nukleo txikia bazter batean kokaturik duena. Zuringoa zelulaz kanpoko egitura bat da eta arrautza barnean dagoen enbrioia babesten eta elikatzen du.
Zuringoak, gizakientzat, erabilera asko du, batez ere sukaldaritzan, eta, horren barnean, gozogintzan nagusiki. Muntatuz, merengea eta beste gozo batzuk egiten dira. Pastelak estaltzeko ere erabil daiteke. San Blas opilei, labetik atera ondoren, arrautza zuringo muntatuzko geruza bat ematen zaie.
This article uses material from the Wikipedia Euskara article Zuringo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.