Elba (txekieraz: Labe; alemanez: Die Elbe; behe-alemanez: De Ilv) Erdialdeko Europako ibairik handienetakoa da.
Txekian jaioa, Alemania zeharkatzen du, eta Ipar itsasora isurtzen da.
Elba Labe (cs), Die Elbe (de), De Ilv (pl) | |
---|---|
Datu orokorrak | |
Mota | ibai |
Luzera | 1.094,26 km 367,64366131051 km |
Geografia | |
Koordenatuak | 53°55′20″N 8°43′20″E / 53.9222°N 8.7222°E |
Estatu burujabe | Alemania |
Alemaniako estatua | Mecklenburg-Aurrepomerania |
Rural district of Mecklenburg-Vorpommern | Ludwigslust-Parchim |
Hidrografia | |
Ibaiadarrak | ikusi
|
Arroaren azalera | 148.268 km² |
Arro hidrografikoa | Elbe Basin (en) |
Ur-emaria | 711 m³/s |
Iturburua | Erraldoien mendiak |
Bokalea () | Ipar itsasoa |
Bohemian jaio eta, 1.091 kilometro egin ondoren, Ipar itsasoan isurtzen du ura. Jaio ondoren, hegora jotzen du. Bohemiako mendiak igaro eta Alemanian barneratu ondoren, Dresden, Magdeburgo, Wittenberg eta Hanburgo hirietatik igarotzen da.
Hanburgon hasten den eta 104 km luze eta 6,5-16 km zabal den delta handi batean zabaltzen da. Cuxhaven hiritik hurbil itsasoratzen da.
Eskuinaldetik, Elster Beltza eta Havel ibaien ura jasotzen du; Mulde eta Saale ibaienak ezkerraldetik.
Elba ibaiaren 846 km-an zehar ibil daitezke neurri handiko ontziak eta, horregatik, Europako erdialdeko ibaibide luzeenetakoa da. Ubide ugariek lotzen dute Elba beste ibaiekin eta itsasoarekin.
VIII. mendeaz geroztik, Elba-Saale ibaiek egiten zuten Karlomagnoren lurren ekialdeko muga. Elba ibaiak zerikusi handia izan du betidanik Europako ekonomian, ubidea izaki.
Versaillesko itunak (1919) hainbat naziotako ontziak bertan ibiltzeko eskubidea eman zuen, eta irekita jarraitu zuen 1936ra arte. Bigarren Mundu Gerran, Errusiako eta Estatu Batuetako osteak Torgaun elkartu ziren, Elba ibaiaren ertzean (1945eko apirila).
This article uses material from the Wikipedia Euskara article Elba (ibaia), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.