Apaiza erlijio errituak kudeatzeko ahalmena edo agintea duen pertsona da.
Judaismoan, kristautasunean, hinduismoan eta beste hainbat erlijiotan (adar guztietan edo batzuetan) daude. Apaizen jarduerak euren denbora osoa edo zati bat har dezake.
Tradizio katolikoan, apaizek sakramentuak eta meza emateko ahalmena daukate, eta gizonezkoak bakarrik izan daitezke. Parrokia baten ardura baldin badute parroko, bikario edo erretore izena dute. Hierarkiaren arabera, katolikoek hainbat apaiz mota dituzte: aita santua da apaiz gorena, eta hortik behera datoz kardinalak, artzapezpikuak, gotzain edo apezpikuak, parrokoak eta diakono edo apaizurrenak.
Prestaketa edo ikasketak apaizgaitegian egiten dituzte, eta apaizetxea dute bizileku, tradizionalki toki nabarmenean kokatua.
Aipatzekoa da, orobat, serora: moja izanda edo izan barik apaizari laguntzen dion emakumea. Sakristauaren emazteari ere serora deritzo. Bizkaieraz abadea deritzo apaizari.
 | Artikulu hau erlijioari buruzko zirriborroa da. Wikipedia lagun dezakezu edukia osatuz. |
This article uses material from the Wikipedia Euskara article Apaiz, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
