Curd Jürgens
Curd Gustav Andreas Gottlieb Franz Jürgens , pli konata nur kiel Curd Jürgens aŭ Curd Jurgens, kiam enlistigita en anglalingvaj filmoj (naskiĝis en la 13-a de decembro 1915, en Munkeno, kaj mortis en la 18-a de junio 1982, en Vieno), estis germana-aŭstra aktoro de germana-franca deveno.
| Curd Jürgens | |
|---|---|
 | |
| Persona informo | |
| Naskonomo | Curd Gustav Andreas Gottlieb Franz Jürgens |
| Naskiĝo | 13-an de decembro 1915 en Solln |
| Morto | 18-an de junio 1982 (66-jaraĝa) en Vieno |
| Mortokialo | korinfarkto |
| Tombo | Centra Tombejo de Vieno |
| Lingvoj | germana |
| Ŝtataneco | Germanio • Aŭstrio |
| Familio | |
| Patro | Curd Jürgens |
| Edz(in)o | nekonata valoro • Judith Holzmeister • Eva Bartok • nekonata valoro • nekonata valoro |
| Okupo | |
| Okupo | filmreĝisoro • teatra aktoro • filmaktoro • aktoro • voĉaktoro • televida aktoro |
Vivo
Curd Jürgens naskiĝis en la 13-a de decembro 1915, en Munkeno. Lia familio transloĝiĝis al Berlino en 1925, kiam li havis dek jarojn. Lian aktoran karieron li komencis en berlina teatro. Jam ekde 1935 li aperis en iuj filmoj, sed dum longa tempo nur en epizodaj roloj. En 1941 li transloĝiĝis al Vieno por labori en la renoma Burgtheater kaj en 1945 li gajnis aŭstran civitanecon.
Jürgens famiĝis en 1955 pro la ĉefrolo en Des Teufels General, dramo de Carl Zuckmayer. Post tiu ĉi sukceso li tuj fariĝis internacie renoma kinaktoro, kiu tamen neniam plene neglektis la teatran laboron.
Curd Jürgens, kiu ankaŭ elprovis sin kiel aŭtoro kaj reĝisoro, mortis en la 18-a de junio 1982 en Vieno.
Filmoj
- Des Teufels General (Germanio, 1955)
- Et Dieu… créa la femme (Francio, 1956)
- The Inn of the Sixth Happiness (Usono, 1958)
- Me and the Colonel (Usono, 1958)
- Schachnovelle (Germanio, 1960)
This article uses material from the Wikipedia Esperanto article Curd Jürgens, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.