C'l artìcul chè 'l è scrit in Miranduléś
La Melania Knauss, nóm da puta, nadâ Melanija Knavs (Mèst Nóṿ, 26 'd Avrìl dal 1970), l'è na mudèla śluvèna naturaliśàda americàna.
Dòp al sò matrimòni cun 'l imprenditōr Donald Trump in dal 2005 l'è cgnusùda anc cuma la Melania Trump, specialmènt da 'l 20 ad Śnar dal 2017 quànd l'è dvintàda la 45śma first lady di Stat Unî.
Nada in Śluvègna in dal 1970, in alóra part dla Juguślàvia, la Melania la crés a Sevnica insém a i sò genitōr Viktor Knavs, ch'al vindìva dal màchini e dal mòti, e l’Amalija ch'la fava di carta-mudèi.
La Knauss, ch'l'è bòna 'd dascórar bèṅ in siē léngui: Śluvèṅ, Sèrb-Cruàt, Ingléś, Francéś, Tedésc e Itagliàṅ, la taca pò na caréra 'd mudèla a séd'ś an andànd a lauràr a 'l èstar a Milàṅ, a Parì e pò a New York in dal 1996. Dū an dòp la cgnós Donald Trump ch'al dvintarà 'l sò muróś in dal 2004 e pò 'l sò spóś 'l an dòp. In dal 2006 la gh'à abû da lò 'n putèṅ ciamâ Barron William.
In dla sò caréra l'è cumpàrsa in dal cupertìni 'd soquànti rivìsti famóśi cuma Vogue, New York Magazine,Vanity Fair, GQ, Elle, e Max.
This article uses material from the Wikipedia Emiliàn e rumagnòl article Melania Knauss, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.