American Trip - Il Primo Viaggio Non Si Scorda Mai
C'l artìcul chè 'l è scrit in Miranduléś
Miranduléś Harold & KumarGo to White Castle | ||
| American Trip - Il primo “viaggio” non si scorda mai | ||
 John Cho e Kal Penn in na figùra dal film | ||
| Viàś americàṅ - Al prim “viàś” 'l è impusìbil da daśmindgàr 2004 | ||
|---|---|---|
| Regìa: Danny Leiner | ||
| Scritōr: Jon Hurwitz • Hayden Schlossberg | ||
| Atōr: John Cho • Kal Penn • Paula Garcés Eddie Kaye Thomas • Neil Patrick Harris • Siu Ta Ryan Reynolds • David Krumholtz • Ethan Embry Christopher Meloni • Steve Braun • Kate Kelton Bobby Lee • Angelo Tsarouchas • Frank Spadone | ||
| Müsica: David Kitay | ||
| Léngua: Ingléś • Indiàṅ | ||
| Dürä dal film: 88 minüt | ||
| Nasiōṅ: Stat Unî • Germàgna • Cànada | ||
American Trip - Il primo “viaggio” non si scorda mai (Viàś americàṅ - Al prim “viàś” 'l è impusìbil da daśmindgàr) l'è na cumèdia vulgaròta dal 2004 ad Danny Leiner. La gh'à abû 'n séguit in dal 2008 da 'l tìtul Harold & Kumar Escape from Guantanamo Bay.
Custàda nóṿ migliòṅ ad dòlar, al film al gh'à abû pò sucès tant ch'al 'n à fat sù dagnóra vint-quàtar.
Sunt
Al banchēr dal New Jersey cun di urìgini cureàni Harold Lee (John Cho) 'l è inamurâ dla sò vśina 'd cà, la Maria (Paula Garcés), ma 'l n gh'à minga 'l curàǵ ad far-'s avànti, specialmènt in cal fiṅ 'd stmana lè parchè i sò culéga Billy (Ethan Embry) e J.D. (Rob Tinkler) i gh'aṅ lasâ da far na relasiòṅ a 'l computer da far a 'l sò pòst.
Harold al divìd al sò apartamènt cun Kumar Patel (Kal Penn), fiōl 'd un cirùśig (Errol Sitahal) imigrâ in di Stat Unî da l'Ìndia, ch'al n gh'à minga tant vója 'd lauràr ma piutòst ad divertìr-'s e far-as di spinèi. Avénd dimóndi fam i dū i decìd'n ad pasàr na seràda a magnàr di hamburger a 'l White Castle ma prima Kumar al sugerìs ad farmàr-'s a la Princeton University par cumpràr dla marijuana da 'n studènt hippie (Dov Tiefenbach) che però la gh finìs in dal cèso.
Cuntinuànd al viàś, méntar Kumar 'l è drē a pisàr da drē da na sēv, un pruciòṅ dispetóś al mòrśga Harold, pò 'n atōr famóś ch'i aṅ cargâ sù, Neil Patrick Harris (Neil Patrick Harris), al gh pòrta via la màchina parchè 'l è sóta 'l efèt dl'ecstasy e 'l sènt al biśógn 'd andàr a gusàr in présia.
Armàś a pē, Harold al vîṅ anc arestâ e mis in parśòṅ da 'n pulisiòt rasìsta.
Culegamènt estéran
This article uses material from the Wikipedia Emiliàn e rumagnòl article American Trip - Il primo viaggio non si scorda mai, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.