C'l artìcul chè 'l è scrit in Miranduléś
I Fiōi di fiōr, cgnusû anc cuma Hippies, i èṅ dal parsòni ch'i tìn'n adrē a i muimènt alternatìṿ di śōvan prutestatàri cóntar la cultùra 'd masa di paéś usidentài parchè par lōr i valōr impurtànt in dla vita i èṅ la paś, 'l èsar lìbar, 'l ambînt e la natùra, 'l èsar tut fradèi, a n dar minga impurtànsa a i bèsi, 'l amōr lìbar, al rock psicadèlic e 'l druàr dal dròghi cuma la cànnabis par vèrar méj la mènt e psēr acsè ślargàr la cusînsa.
I sò mòt i éran „Mitî di fiōr in di vòstar canòṅ“, druâ specialmènt par prutestàr cóntar la guèra dal Vietnam, e „Fâ 'l amōr, briśa la guèra“.
Al muimènt, nâ in di an Ssanta in di Stat Unî da 'l séndri ad qvél dla Beat Generation, al s è pò stramnâ in gir p'r al mónd in di an a vgnir. La sò cultùra la tgniva cònt di pinsēr ad persunàǵ sìmbul cuma Gesù Crist, Hillel al Vèć, Buddha, Fransésc 'd Assìśi, Henry David Thoreau, Hermann Hesse, John Lennon e Gandhi.
This article uses material from the Wikipedia Emiliàn e rumagnòl article Fiōi di fiōr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.