Addis Abeba

Lažy w srjejźišću kraja we wusokosći wót 2.200 do 3.000 metrow nad głaźinu mórja pód góru Entoto a jo toś pó Quito (Ekwador) a Sucre (Boliwiska) tśeśe nejwuše lažeca stolica na swěśe. Addis Ababa ma wokoło 3,3 mio. wobydlarjow a jo politiske, góspodaŕske a zastojańske srjejźišćo Etiopiskeje kaž teke sedło centrale Afriskeje unije (AU).

Addis Abeba
DEC
Zakładne daty
stat	Etiopiska
geografiske połoženje	, 38° 45′ O9.016666666666738.759° 1′ N, 38° 45′ O
wusokosć	2.355 m
płonina	530,14 km²
wobydlaŕstwo	3.230.771 (2009)
gustosć zasedlenja	6.094,2 wob./km²
Měsćańske zastojnstwo
website	addisababacity.gov.et
p • d • w

Sedlišćo załožy se akle w nowembrje 1886 w bliskosći rezidency krala Menelika II., kótaregož głowne lěgwo jo stojało tegdy na górje Entoto. Tam dosć městna za załoženje noweje stolicy njejo było, tak až su ju w dolinje pód góru załožyli. W lěśe 1892 dósta město swójo mě. 1905 załožyjo se prědna banka, 1908 prědna šula, 1910 prědna chórownja a 1911 prědna śišćernja. Kino jo było w měsće južo wót lěta 1898.

Dla wusokosći a bliskosći k ekwatorej jo klima w etiopiskej stolicy powšykneje miła, z pśerěznymi maksimalnymi temperaturami mjaz 21 (julij, awgust) a 25 °C (měrc, apryl, maje) a minimalnymi temperaturami mjaz 5 (nowember, december) a 11 °C (julij, awgust). Wob lěto maju pśerěznje 123 dešćikojtych dnjow, pśedewšym mjaz aprylom a septembrom.

Addis Abeba ma mjazynarodne lětanišćo a wót lěta 1950 teke uniwersitu.

• Be'er Scheva, Israel, wót 2004
• Peking, China
• Chuncheon, Pódpołdnjowa Koreja
• Lipsk, wót 2004