Ekwator
Ekwator jo teoretiska linija na zemi, kótaraž ma samsku zdalonosć z wobeju polowu a rozdźělujo zemju do pódpołnocneje a pódpołdnjoweje połkule.
Ma geografisku šyrinu wót 0° a teoretisku dłujkosć wót 40.075,016686 km.
Zemski ekwator pśeprěkujo Afriku, Indiski ocean, krotkozajtšnu Aziju, Śichy ocean, Pódpołdnjowu Ameriku a Atlantiski ocean. Mjaz ekwatorom a wobrotnyma šyrinoma se tropy namakaju. Tam stoj słyńco dwójce w lěśe w ceniśe, což wobwliwujo teke tropiske lětne case.
Ekwator direktnje pśeprěkujo 11 statow:
- Ekwador (kótaryž ma swójo mě wót ekwatora)
- Kolumbisku
- Brazilsku
- São Tomé a Príncipe
- Gabun
- republiku Kongo
- Demokratisku republiku Kongo
- Ugandu
- Keniju
- Somaliju
- Indonesku
Mimo togo pśeprěkujo wšake kupki kupow mjaz jadnotliwymi kupami, na pśikład Malediwy. Slědujuce stolicy namakaju se blisko ekwatora:
- Quito (20 km na pódpołdnjo ekwatora) - Ekwador
- Kampala (35 km na pódpołnoc ekwatora) - Uganda
- São Tomé (35 km na pódpołnoc ekwatora) - São Tomé a Príncipe
- Libreville (40 km na pódpołnoc ekwatora) - Gabun
Wótkaz
Commons: Ekwator – Zběrka wobrazow, widejow a audio-datajowThis article uses material from the Wikipedia Dolnoserbski article Ekwator, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wopśimjeśe stoj pód CC BY-SA 4.0 k dispoziciji, jolic njejo se hynac pódało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Dolnoserbski (DUHOCTRUNGQUOC.VN) is an independent company and has no affiliation with Wiki Foundation.