Addis Ababa tga tamaẓunt n tmazirt n Yityupya d tɣrmt nns akkʷ imqqurn, tga yat ɣ tɣrmiwin ssugrnin ɣ Tfriqt, tufa adɣar nns ɣ tuẓẓumt n Ityupya ɣ iffus n idrarn n Yinṭuṭu, bbin tt kra n yiɣzran dranin, d gigan d taddagin n ukalitus ar gis ttmɣaynt.
Ɣinn a ɣ illa udɣar n tnmalayt n tamunt Tafriqit (AU), illa nit ma ittinin is d nttat ad igan tamaẓunt tasrtant n Tfrit, tg daɣ yan uẓẓum ansbbab mqqurn, yili gis yan ɣ igadazn ṛẓmnin akkʷ usɛanin ɣ tmnẓawt, agadaz-ad ism as "Mirkaṭu", tbidd ɣ tdmsa n tɣrmt-ad f uzznz n Ssima, skkaṛ, ibrdan, d ugaṛṛu.
Tiɣrmt-ad zdɣn gis attayn n 3,36 n umlyun n mddn.
Ism n "Addis Ababa" ikka d tutlayt Tamharit, ig unamk nns "Tajddigt Tamaynut".
Tettyawbna tɣrmt n Waddis Ababa ɣ usggʷas n 1887, f ufus n ugllid "Mnlik wis II" ig tt tamaẓunt n tgldit nns lli mi ism "Cawa". Agllid-ad rad sul iskr yat tmnukda ismunn ma iggutn ɣ tsgiwin, akal n tɣrmt iɣama i twja n ugllid ar 1974 d ɣ usggʷas ad rad tnkr yat tgrawla da tssixf yat tgrgurt n isrdasn lli rad tgr angraw agldan n Hilasilasi Amzwaru.
This article uses material from the Wikipedia Taclḥit article Addis Ababa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.