ᱢᱚᱥᱠᱚ ᱫᱚ ᱦᱩᱭᱩᱜ ᱠᱟᱱᱟ ᱨᱩᱥᱤᱭᱟ ᱨᱟᱱᱟᱜ ᱨᱟᱡᱽᱜᱟᱲ ᱟᱨ ᱚᱸᱰᱮᱱᱟᱜ ᱡᱚᱛᱚ ᱠᱷᱚᱱ ᱢᱮᱨᱟᱝ ᱱᱟᱜᱟᱨ ᱠᱟᱱᱟ ᱾ ᱱᱚᱣᱟ ᱱᱟᱜᱟᱨ ᱨᱮ ᱑᱒.᱒ ᱢᱤᱞᱤᱭᱚᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱱᱟᱜᱟᱨ ᱛᱟᱞᱟᱨᱮ ᱟᱨ ᱚᱱᱟ ᱵᱷᱤᱲᱟᱹᱣ ᱨᱮ ᱑᱗.᱑ ᱢᱤᱞᱤᱭᱚᱱ ᱦᱚᱲ ᱾ ᱚᱱᱟᱛᱮ ᱱᱚᱣᱟ ᱫᱚ ᱢᱟᱨᱟᱝ ᱱᱟᱜᱨ ᱠᱟᱱᱟ ᱾ ᱢᱚᱥᱠᱚ ᱫᱚ ᱢᱟᱦᱟᱸ ᱜᱟᱶᱛᱟ (federal) ᱱᱟᱜᱟᱨ ᱞᱮᱠᱟᱛᱮ ᱢᱟᱱᱚᱛ ᱮ ᱧᱟᱢ ᱟᱠᱟᱫᱼᱟ ᱾
ᱢᱚᱥᱠᱚ ᱫᱚ ᱦᱩᱭᱩᱜ ᱠᱟᱱᱟ ᱢᱩᱬ ᱠᱟᱹᱣᱰᱤ-ᱟᱹᱨᱤ, ᱨᱟᱡᱽᱟᱹᱨᱤ, ᱞᱟᱠᱪᱟᱨ ᱟᱨ ᱥᱟᱬᱮᱥ ᱛᱟᱞᱢᱟ ᱨᱩᱥᱤᱭᱟ ᱨᱮᱱᱟᱜ ᱾ ᱥᱮᱬᱟ ᱨᱮᱱᱟᱜ ᱥᱩᱛᱩᱨ ᱞᱮᱠᱟᱛᱮ ᱢᱚᱥᱠᱚ ᱫᱚ ᱡᱮᱜᱮᱛ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱞᱤᱥᱴᱤ ᱨᱮ ᱥᱮᱞᱮᱫ ᱢᱮᱱᱟᱭᱟ ᱥᱟᱶᱛᱮ ᱑᱔ ᱟᱱᱟᱜ ᱢᱮᱴᱨᱚ ᱱᱟᱜᱟᱨ, ᱑᱘ ᱟᱱᱟᱜ ᱟᱜᱽᱞᱚᱢᱮᱨᱟᱥᱚᱱ (agglomeration), ᱑᱕ ᱟᱱᱟᱜ ᱢᱨᱟᱝ ᱱᱟᱜᱟᱨ ᱠᱟᱱᱟ ᱾
ᱱᱚᱶᱟ ᱱᱟᱜᱟᱨ ᱫᱚ ᱢᱚᱠᱶᱚ ᱜᱟᱰᱟ ᱠᱷᱚᱱ ᱧᱩᱛᱩᱢ ᱟᱠᱟᱱᱟ ᱾ ᱱᱚᱶᱟ ᱧᱩᱛᱩᱢ ᱛᱤᱥ ᱠᱷᱚᱱ ᱦᱮᱡ ᱟᱠᱟᱱᱟ ᱱᱚᱶᱟ ᱫᱚ ᱩᱱᱟᱜ ᱵᱟᱰᱟᱭ ᱵᱟᱹᱱᱩᱜᱼᱟ, ᱢᱮᱱᱠᱷᱟᱱ ᱛᱤᱢᱤᱱ ᱦᱚᱲᱟᱜ ᱱᱟᱥᱮ ᱰᱷᱚᱲᱮ ᱯᱟᱭᱛᱟᱨ ᱢᱮᱱᱟᱜᱼᱟ ᱾ ᱚᱱᱟ ᱢᱩᱸᱫ ᱠᱷᱚᱱ ᱢᱤᱫ ᱫᱚ ᱠᱚ ᱢᱮᱱᱟ, ᱱᱚᱶᱟ ᱫᱚ ᱟᱹᱰᱤ ᱢᱟᱨᱮ ᱯᱷᱤᱱᱤᱠ ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ ᱢᱮᱱᱛᱮ ᱾ ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ "ᱦᱮᱸᱫᱮ" ᱟᱨ "ᱨᱤᱢᱤᱞ" ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱢᱚᱥᱠᱚ ᱵᱟᱵᱚᱫᱽ ᱨᱩᱥᱤᱭᱟ ᱨᱮᱱᱟᱜ ᱯᱩᱤᱞᱩ ᱥᱟᱹᱠᱷᱭᱟᱹᱛ ᱫᱚ ᱑᱑᱔᱗ ᱥᱟᱞᱮᱨᱮ ᱡᱚᱠᱷᱚᱱ ᱭᱩᱨᱤ ᱰᱚᱞᱜᱚᱨᱩᱠᱤ ᱟᱨ ᱢᱤᱫ ᱨᱟᱡᱟ ᱱᱚᱵᱽᱜᱚᱨᱚᱫ-ᱥᱮᱵᱚᱨᱤᱥᱠᱤᱭ ᱱᱮᱶᱛᱟ ᱭᱮ ᱠᱟᱱ ᱛᱟᱦᱮᱸᱫ ᱟᱨ ᱩᱱ ᱡᱷᱚᱜ ᱢᱮᱴᱟᱫᱼᱮ ᱛᱟᱦᱮᱸᱫ "ᱤᱧ ᱴᱷᱮᱱ ᱦᱤᱡᱩᱜ ᱢᱮ, ᱢᱚᱥᱠᱚ ᱛᱮ" ᱾
ᱱᱚᱶᱟ ᱱᱟᱜᱟᱨ ᱫᱚ ᱢᱚᱥᱠᱶᱚ ᱜᱟᱰᱟ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱢᱤᱨᱛᱤᱠᱟ ᱨᱮᱱᱟᱜ ᱯᱮ ᱯᱟᱴᱷᱟ ᱨᱚᱦᱚᱲ ᱚᱛ ᱨᱮᱱᱟᱜ ᱛᱟᱞᱟᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱢᱤᱫ ᱚᱠᱛᱚ ᱥᱚᱵᱷᱤᱭᱮᱛ ᱜᱟᱶᱛᱟ ᱨᱩᱥᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱫᱚ ᱢᱚᱥᱠᱚ ᱠᱨᱤᱢᱞᱤᱱ ᱨᱮᱱᱟᱜ ᱴᱷᱟᱶ ᱠᱟᱱᱟ, ᱡᱟᱦᱟᱸ ᱨᱮ ᱟᱹᱰᱤ ᱟᱭᱢᱟ ᱧᱮᱞ ᱡᱚᱝ ᱴᱷᱟᱶ ᱠᱚ ᱢᱮᱱᱟᱜᱼᱟ ᱾ ᱱᱚᱰᱮ ᱫᱚ ᱨᱩᱥᱤᱭᱟ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱭᱟᱜ ᱚᱲᱟᱜ ᱠᱟᱱᱟ ᱾
ᱢᱚᱥᱠᱚ ᱫᱚ ᱠᱟᱹᱶᱰᱤ-ᱟᱹᱨᱤ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱥᱮᱛᱮᱫ ᱠᱟᱱᱟ ᱾ ᱱᱚᱶᱟ ᱫᱚ ᱡᱮᱜᱮᱛ ᱨᱤᱱ ᱟᱭᱢᱟ ᱵᱤᱞᱤᱭᱚᱱᱟᱨ (billionaire) ᱠᱚᱶᱟᱜ ᱜᱷᱟᱨᱚᱡᱽ ᱠᱟᱱᱟ ᱾ ᱒᱐᱐᱘ ᱥᱟᱞᱮ ᱨᱮ ᱱᱚᱶᱟ ᱫᱚᱡᱚᱛᱚ ᱠᱦᱚᱱ ᱵᱟᱹᱲᱛᱤ ᱠᱷᱚᱨᱚᱰᱦᱚᱜ ᱠᱟᱱ ᱱᱟᱜᱟᱨ ᱠᱟᱱᱟ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱒᱐᱐᱙ ᱥᱟᱞᱮ ᱨᱮ ᱫᱚ ᱛᱮᱥᱟᱨ ᱴᱷᱟᱶ ᱨᱮ ᱦᱮᱡ ᱮᱱᱟᱭ, ᱩᱱ ᱚᱠᱛᱚ ᱮᱛᱚᱦᱚᱵ ᱴᱷᱟᱶ ᱫᱚ ᱴᱚᱠᱭᱚ ᱟᱨ ᱫᱚᱥᱟᱨ ᱴᱷᱟᱶ ᱫᱚ ᱚᱥᱟᱠᱟᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾
This article uses material from the Wikipedia ᱥᱟᱱᱛᱟᱲᱤ article ᱢᱚᱥᱠᱚ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.