Seisyllwg
Roedd Seisyllwg yn deyrnas yn ne-orllewin Cymru, fu'n bodoli o tua 730 hyd 920.
| Enghraifft o'r canlynol | gwlad ar un adeg  |
|---|---|
| Daeth i ben | 920 |
| Dechrau/Sefydlu | 680 |
| Rhagflaenwyd gan | Teyrnas Ceredigion |
| Olynwyd gan | Teyrnas Deheubarth |
 Ffeiliau perthnasol ar Gomin Wicimedia | |
| (y map gwreiddiol gan William Rees 1959 Atgynhyrchwyd yn 'Hanes Cymru' gan John Davies) | |
Ar ddechrau'r 8g rheolai'r brenin Seisyll ap Clydog yng Ngheredigion. Tua'r flwyddyn 730 cipiodd Seisyll Ystrad Tywi oddi wrth Rhain ap Cadwgan, brenin Dyfed, a'i ychwanegu at ei deyrnas ei hun. Rhoddwyd yr enw Seisyllwg ar y deyrnas estynedig newydd. Cofnodir fod ei fab, Arthen ap Seisyll, wedi marw yn 807.
Yn 872 boddwyd trwy ddamwain Gwgon ap Meurig, brenin Seisyllwg, ac ychwanegodd Rhodri Mawr ei deyrnas at ei feddiannau trwy ei briodas ag Angharad, chwaer Gwgon a gor-gor-gor-wyres Seisyll ap Clydog. Roedd Rhodri yn awr yn frenin ar y rhan fwyaf o Gymru. Ar farwolaeth Rhodri etifeddwyd Seisyllwg gan Cadell ap Rhodri ac fe'i ail-sefydlwyd am gyfnod fel teyrnas annibynnol. Llwyddodd Cadell i goncro Dyfed yn 904/905, a'i rhoi i'w fab Hywel Dda i'w llywodraethu.
Pan etifeddodd Hywel Seisyllwg hefyd yn 920 unodd y ddwy deyrnas i greu Teyrnas Deheubarth.
Brenhinoedd
- Seisyll ap Clydog
- Arthen ap Seisyll (-807)
- Dyfnwal ap Arthwyr (807-825/841)
- Meurig ap Dyfnwal (825/841-850/871)
- Gwgon ap Meurig - brenin olaf Ceredigion (871-872)
- Cadell ap Rhodri (872-909)
- Clydog ap Cadell (909-920)
- Meurig ap Cadell (909-?)
- Hyfaidd ap Clydog (920-939)
- Hywel Dda ap Cadell (909-950)
Llyfryddiaeth
- John Edward Lloyd (1911) A history of Wales: from the earliest times to the Edwardian conquest (Longmans, Green & Co)
This article uses material from the Wikipedia Cymraeg article Seisyllwg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.