Susan Faludi

Mae'n briod â'i chyd-awdur Russ Rymer.

Susan Faludi
Ganwyd	18 Ebrill 1959  Queens
Dinasyddiaeth	Hwngari  Unol Daleithiau America
Alma mater	Prifysgol Harvard Yorktown High School
Galwedigaeth	ysgrifennwr, ymgyrchydd dros hawliau merched, newyddiadurwr, ffeminist
Priod	Russ Rymer
Gwobr/au	Cymrodoriaeth Guggenheim
Gwefan	http://susanfaludi.com/index.html

Fe'i ganed yn Queens, bwrdeisdref yng ngorllewin Dinas Efrog Newydd ar 18 Ebrill 1959. Enillodd Wobr Pulitzer am Newyddiaduraeth Esboniadol ym 1991, am adroddiad ar bryniant isel Safeway Stores, Inc., adroddiad roedd gweinyddwyr pwyllgor Gwobr Pulitzer yn ei ganmol am ddarlunio "effaith negyddol arian ar ddyn". Derbyniodd Wobr Kirkus yn 2016 hefyd am In the Darkroom.

Ganwyd hi i Marilyn (Lanning), newyddiadurwr, a Stefánie Faludi (a alwyd wedyn yn Steven Faludi) a oedd yn ffotograffydd. Roedd Stefánie Faludi wedi ymfudo o Hwngari, yn Iddew ac yn oroeswr yr Holocost, a ddatgelodd ei bod yn drawsrywiol ac yn fu farw yn 2015. Mae gan Susan Faludi ddinasyddiaeth ddeuol: UDA a Hwngari.

Graddiodd Susan o Brifysgol Harvard gydag A.B. summa cum laude yn 1981, lle cafodd ei hethol i Phi Beta Kappa ac ysgrifennodd ar gyfer The Harvard Crimson, a daeth yn newyddiadurwr, gan ysgrifennu ar gyfer The New York Times, Miami Herald, Atlanta Journal Constitution, San Jose Mercury News, a The Wall Street Journal a nifer o gyhoeddiadau eraill.

Trwy gydol yr 1980au, ysgrifennodd Faludi sawl erthygl ar ffeministiaeth a pahm fod pobl yn gwrthwynebu'r mudiad. Wrth weld patrwm yn dod i'r amlwg, ysgrifennodd Faludi Backlash, a ryddhawyd ddiwedd 1991. Yn 2008–2009, fe'i gwnaed yn gymrawd yn y Radcliffe Institute for Advanced Study, ac yn ystod blwyddyn academaidd 2013–2014, hi oedd yr Ysgolhaig Tallman yn y Rhaglen Astudiaethau Rhyw a Menywod yng Ngholeg Bowdoin. Ers Ionawr 2013, mae Faludi wedi bod yn olygydd cyfrannol i'r cylchgrawn The Baffler yn Cambridge, Massachusetts. Yn 2017, dyfarnwyd iddi radd ddoethuriaeth er anrhydedd gan Brifysgol Stockholm yn Sweden.

Llyfrau

• Faludi, Susan (1991). Backlash: The Undeclared War Against American Women. New York: Crown.
• Faludi, Susan (1999). Stiffed: The Betrayal of the American Man. New York: William Morrow.
• Faludi, Susan (2007). The Terror Dream: Fear and Fantasy in Post-9/11 America. New York: Metropolitan Books.
• Faludi, Susan (2016). In the Darkroom. New York: Metropolitan Books.

Ysgrifau ac adroddiadau

• Faludi, Susan (15 Ebrill 2013). "Death of a revolutionary : Shulamith Firestone helped to create a new society. But she couldn't live in it.". The New Yorker 89 (9): 52–61. http://www.newyorker.com/magazine/2013/04/15/death-of-a-revolutionary.
• Faludi, Susan, (Hydref 2010) "American Electra: Feminism's Ritual Matricide" Harper's: 29-42.
• Faludi, Susan (16 Mai 1990). "The Reckoning: Safeway LBO Yields Vast Profits but Exacts a Heavy Human Toll". The Wall Street Journal.

Bu'n aelod o Gymdeithas Phi Beta Kappa am rai blynyddoedd.

• Dros y blynyddoedd, derbyniodd nifer o anrhydeddau, gan gynnwys: Cymrodoriaeth Guggenheim (2017) .