Gwyn Alf Williams: Hanesydd a chyflwynydd teledu
Hanesydd ac ysgrifennwr oedd Gwyn Alf Williams (30 Medi 1925 – 16 Tachwedd 1995) a gafodd ei eni yn Lower Row, Pen-y-Wern, Dowlais.
Roedd yn fab i Thomas John (1892–1971) a Gwladys Morgan (1896–1983): y ddau yn athrawon. Cafodd ei addysg yn Ysgol Ramadeg Castell Cyfarthfa a hefyd Gwernllwyn, capel yr Annibynwyr, lle y dysgodd cryn dipyn o Gymraeg a ble y derbyniodd gryn anniddigrwydd a gwrthwynebiad i'w syniadau Marcsaidd.
| Gwyn Alf Williams | |
|---|---|
| Ganwyd | Gwyn Alfred Williams  30 Medi 1925 Dowlais |
| Bu farw | 16 Tachwedd 1995 Dre-fach Felindre |
| Dinasyddiaeth |  Cymru |
| Alma mater |
|
| Galwedigaeth | hanesydd |
| Cyflogwr | |
Er iddo gael ei dderbyn, drwy ysgoloriaeth i Brifysgol Aberystwyth, fe'i gwysiwyd i ymuno â'r fyddin. Yna treuliodd flwyddyn yn adeiladu ffordd rhwng Zagreb a Belgrade yn Iwgoslafia, oherwydd ei ddaliadau comiwnyddol; ei arwr, bryd hynny, oedd y gwladweinydd Josip Broz Tito. Wedi dychwelyd i Gymru ar ôl y rhyfel derbyniodd radd dosbarth cyntaf mewn hanes yn Aberystwyth a gradd feistr ddwy flynedd wedyn.Ym 1963 aeth i ddarlithio hanes ym Mhrifysgol Efrog a daeth yn Athro ddwy flynedd wedyn. Ym 1974 symudodd i Brifysgol Caerdydd.
Daeth yn enwog am ei ran yn y gyfres deledu ar hanes Cymru, The Dragon Has Two Tongues, fel gwrthwynebydd i'r hanesydd Wynford Vaughan-Thomas.
Ar 12fed o Dachwedd 1979 traddododd ddarlith radio blynyddol BBC Cymry ar y testun When was Wales?.
Cyhoeddiadau
- Medieval London, 1963
- Artisans and Sans-Culottes, 1968
- Proletarian Order, 1975
- Goya and the Impossible Revolution, 1976
- The Merthyr Rising, 1978
- Madoc: The Making of a Myth, 1979
- The Search for Beulah Land: the Welsh and the Atlantic Revolution, 1980
- The Welsh in Their History, 1982
- When was Wales?, 1985
- Excalibur: the Search for Arthur, 1994
Cyfeiriadau
This article uses material from the Wikipedia Cymraeg article Gwyn Alf Williams, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.