Etholiad Cyffredinol Y Deyrnas Unedig, 1997

Canlyniad yr etholiad oedd newid llywodraeth am y tro cyntaf ers deunaw mlynedd, gyda'r Blaid Lafur dan arweiniad Tony Blair yn ennill mwyafrif mawr dros y Blaid Geidwadol dan arweiniad John Major. Enillodd Llafur 66% o'r seddau yn Nhy'r Cyffredin, gyda mwyafrif o 179, eu mwyafrif mwyaf erioed. Collodd y Ceidwadwyr bob sedd oedd ganddynt tu allan i Loegr, ac roedd eu cyfanswm o seddau yr isaf ers dyddiau Dug Wellington. Collodd nifer o wleidyddion amlwg y blaid eu seddau, yn cynnwys Michael Portillo, Malcolm Rifkind, Michael Forsyth, William Waldegrave, Edwina Currie, Norman Lamont a David Mellor. Enillodd y Democratiaid Rhyddfrydol y nifer uchaf o seddau iddynt hwy neu'r Rhyddfrydwr eu hennill ers dyddiau David Lloyd George.

Etholiad cyffredinol y Deyrnas Unedig, 1997

1992 ← 1 Mai 1997 → 2001

Pob un o'r 659 sedd yn y Tŷ Cyffredin. Nifer a bleidleisiodd 71.3%   Plaid 1af Ail blaid 3ydd plaid   Arweinydd Tony Blair John Major Paddy Ashdown Plaid Llafur Ceidwadwyr Democratiaid Rhyddfrydol Arweinydd ers 21 Gorffennaf 1994 28 Tachwedd 1990 16 Gorffennaf 1988 Sedd yr Arweinydd Sedgefield Huntingdon Yeovil Seddi tro yma 271 sedd, 34.4% 336 sedd, 41.9% 20 sedd, 17.8% Seddi cynt 271 343 18 Seddi a gipiwyd 418 165 46 Newid yn y seddi 145* 178* Cyfans. pleidl. 13,518,167 9,600,943 5,242,947 Canran 43.2% 30.7% 16.8% Tuedd 8.8 11.2 1.0

Mae'r lliwiau'n dynodi'r pleidiau llwyddiannus. Ni chynhwyswyd Gogledd Iwerddon * Newidiwyd y ffiniau ^ Nid yw'r rhifau yma'n cynnwys Y Llefarydd

PM cyn yr etholiad John Major Ceidwadwyr PW wedi'r etholiad Tony Blair Llafur

Yng Nghymru cadwodd Plaid Cymru eu gafael ar eu pedair sedd, tra gadawyd y Ceidwadwyr heb unrhyw sedd yng Nghymru. Yn yr Alban enillodd Plaid Genedlaethol yr Alban dair sedd i ddyblu eu nifer o seddau i 6. Pleidleisiodd 31,286,284 (71.2%).