Ynys Manaw Douglas: Prifddinas Ynys Manaw
Douglas (Manaweg: Doolish) yw prifddinas Ynys Manaw a'i dref fwyaf gyda phoblogaeth o 27,938 (2011), traean o boblogaeth yr ynys.
Douglas yw prif ganolfan yr ynys am fasnach, cludiant, siopa ac adloniant. Yno hefyd y lleolir llywodraeth Ynys Manaw a'r rhan fwyaf o sesiynau'r Tynwald.
 | |
| Math | dinas, dosbarth ar Ynys Manaw  |
|---|---|
| Poblogaeth | 27,938 |
| Sefydlwyd |
|
| Gefeilldref/i | Ballymoney |
| Daearyddiaeth | |
| Sir | Middle |
| Gwlad |  |
| Cyfesurynnau | 54.15°N 4.4775°W |
| Cod OS | SC379750 |
| Cod post | IM1 / IM2 |
Lleolir Douglas ar ochr ddwyreiniol yr ynys ger aber Afon Dhoo ac Afon Glass, gan roi iddi ei henw. Mae'r afonydd unedig yn llifo i Fae Douglas ar ôl llifo trwy'r dref. Gorwedd bryniau isel i'r gogledd-orllewin a'r de-ddwyrain gyda dyffryn rhyngddynt.
Amgylchynir y dref gan sawl tref a phentref llai, yn enwedig Onchan i'r gogledd (sydd fel estyniad o Douglas erbyn heddiw) ac Union Mills i'r gorllewin.
Mae Douglas yn enwog fel canolfan rasys beic modur y TT.
Cysylltir Douglas gan wasanaethau fferi â Lerpwl a Dulyn. Ar un adeg bu gwasanaeth fferi tymhorol yn rhedeg rhwng Douglas a Llandudno, gogledd Cymru, ond ers rhai blynyddoedd mae wedi darfod fel gwasanaeth rheolaidd.
Adeiladau a chofadeiladau
- Amgueddfa Ynys Manaw
- Camera obscura
- Theatr Gaiety
- Villa Marina
Enwogion
- Robin Gibb (g. 1949) a Maurice Gibb (1949-2003), cerddorion
Cyfeiriadau
Dolenni allanol
- Cyngor Bwrdeistref Douglas Archifwyd 2006-12-05 yn y Peiriant Wayback.
This article uses material from the Wikipedia Cymraeg article Douglas (Ynys Manaw), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.