Tref Conwy: Tref yng Nghymru

(Fe'i hadwaenir yn draddodiadol yn Saesneg fel Conway.) Roedd cynt yng Ngwynedd a Sir Gaernarfon cyn hynny. Mae'n enwog fel tref gaerog, am ei chastell, ac am y pontydd ar draws Afon Conwy. Mae ganddi boblogaeth o tua 14,208, sydd hefyd yn cynnwys Deganwy a Chyffordd Llandudno. Mae'n un o brif atyniadau twristaidd Gogledd Cymru.

Conwy

Math	tref
Poblogaeth	14,723
Sefydlwyd	1283
Daearyddiaeth
Sir	Conwy
Gwlad	Cymru
Gerllaw	Afon Conwy
Cyfesurynnau	53.28°N 3.83°W
Cod SYG	W04000902
Cod OS	SH775775
Gwleidyddiaeth
AC/au	Janet Finch-Saunders (Ceidwadwyr)
AS/au	Robin Millar (Ceidwadwyr)
Ffeiliau perthnasol ar Comin
[golygwch ar Wicidata]

Saif y dref ar lan orllewinol Afon Conwy, gan wynebu Deganwy, sydd ar ochr arall yr afon.

Codwyd y castell a'r waliau gan Edward I, brenin Lloegr, rhwng 1283 a 1289. Fe'u gosodwyd ar restr Safleoedd Treftadaeth y Byd UNESCO yn 1986, fel rhan o'r safle Cestyll a Muriau Trefi'r Brenin Edward yng Ngwynedd. Yma hefyd y safai Mynachdy Aberconwy, a sefydlwyd gan Llywelyn Fawr.

Ers dros 700 mlynedd, cynhelir Ffair Fêl Conwy ar strydoedd y dref ar 15 Medi bob blwyddyn.

• Bodysgallen
• Castell Conwy
• Plas Mawr
• Y Tŷ Lleiaf yng ngwledydd Prydain
• Tŷ Aberconwy

• Morfa Conwy - morfa a thraeth
• Caer Seion - bryngaer
• Gyffin - pentref hanesyddol

Mae gan Conwy orsaf ar Reilffordd Arfordir Gogledd Cymru sy'n ei chysylltu â Chaergybi a Chaer.

Rhed nifer o wasanaethau bysiau rhwng Conwy a threfi a phentrefi Dyffryn Conwy ac ardaloedd eraill. Mae ar brif lwybr bws arfordir Gogledd Cymru yn ogystal.

Yng nghyfrifiad 2011 roedd y sefyllfa fel a ganlyn:

•  
  Ffotograff o tua 1885
•  
  Golygfa fodern o'r dref
•  
  Yr harbwr