Tîm Seiclo Astana

Lleolir y tîm yng Nghsachstan a chaiff ei noddi gan Samruk-Kazyna, sef clymblaid o gwmniau sy'n eiddo i'r wladwriaeth, ac mae'r tîm yn dwyn enw'r brifddinas, Astana.

Astana Pro Team
Gwybodaeth y Tîm
Côd UCI	AST
Lleoliad	Casachstan
Sefydlwyd	2007
Disgyblaeth(au)	Ffordd
Statws	UCI ProTeam
Beiciau	Specialized
Personél Allweddol
Rheolwr Cyffredinol	Alexander Vinokourov

Derbyniodd Astana statws UCI ProTeam yn ei flwyddyn gyntaf yn 2007 gyda Marc Biver yn cael ei benodi'n reolwr ar y tîm. Yn ystod Tour de France 2007, methodd arweinydd y tîm, Alexander Vinokourov, brawf cyffuriau arweiniodd at drefnwyr y Tour de France yn gwahodd Astana i dynnu yn ôl o'r ras. Ar ddiwedd y tymor, diswyddwyd Biver a penodwyd cyn reolwr tîm U.S. Postal/Discovery Channel, Johan Bruyneel ar gyfer tymor 2008.

Llwyddodd Bruyneel i ddenu enillydd Tour de France 2007, Alberto Contador, i'r tîm. Ond ni chafodd Contador amddiffyn ei goron wedi i drefnwyr y Tour de France wrthod gwahodd Astana i rasio yn y Tour de France yn 2008 oherwydd ymchwiliad Operation Puerto i'r defnydd o gyffuriau gan feicwyr proffesiynol.

Ym mis Medi 2008 cyhoeddodd Astana fod Lance Armstrong yn ymuno â'r tîm ar gyfer tymor 2009 ac roedd yn rhan o'r tîm lwyddodd i helpu Alberto Contador i gipio'r Maillot Jaune, ond yn dilyn problemau ariannol a brwydr mewnol rhwng Johan Bruyneel ac Alexander Vinokourov, oedd wedi dychwleyd i'r tîm ar ôl gwaharddiad am ddefnyddio cyffuriau, symudodd Bruyneel i gymryd rôl rheoli Team RadioShack ar gyfer tymor 2010.