حیزبوڵڵای لوبنان

باڵی میلیشیایی حیزبوللا دەستەی جیھادە.و باڵی سیاسیی لە پەرلەمانی لوبنان وەفاداری بۆ بەرەی بەرگرییە. حەسەن نەسروڵڵا لەوەتەی مردنی عەباس موسەوی لە ١٩٩٢، سکرتێری گشتیی حیزبوڵڵای لوبنانە. گرووپەکە لەگەڵ باڵی سەربازیی لەلایەن ویلایەتە یەکگرتووەکان، ئیسرائیل، کەنەدا و لووتکەی عەرەبی، ڕێکخراوێکی تیرۆریست ڕەچاو دەکرێت. ھەروەھا ئەنجومەنی ھاوکاری کەنداو، شانشینی یەکگرتوو، ئوسترالیا، ئەڵمانیا، ئەرژەنتین، ھۆلەند، پاراگوای، کۆلۆمبیا، ھۆندووراس و یەکێتیی ئەورووپا تەنھا باڵی سەربازیی حیزبوللایان قەدەغە کرد.

حیزبوللای لوبنان حزب الله Ḥizbu 'llāh
سکرتێری گشتی	حەسەن نەسروڵڵا
دروشم	بە عەرەبی: فَإِنَّ حِزْبَ ٱللَّهِ هُمُ ٱلْغَالِبُونَ‎ «ھەر کۆمەڵ و دەستەو تاقمی خوا، زاڵ و سەرکەوتوون »
دامەزرا لە	١٩٨٥؛ ٣٩ ساڵ لەمەوپێش (١٩٨٥) (فەرمی)
پێگە سەرەکییەکان	بەیروت،  لوبنان
باڵی یەکەم	وەفاداری بۆ بەرەی بەرگری
باڵی دووھەم	لیواکانی بەرگریی لوبنان
ئایین	شیعە
ڕەنگە فەرمییەکان	زەرد سەوز
ماڵپەڕ
www.moqawama.org

حیزبوڵڵای لوبنان
بەشدار لە مەبەستی سەرەکی لە شەڕ لەگەڵ تیرۆر
ساڵانی چالاکیی	١٩٨٥ – ئێستا
گرووپەکان	یەکەی ٣٨٠٠
شوێنگەسەرەکییەکان	لوبنان
ھێز	٢٠٬٠٠٠ بۆ ٥٠٬٠٠٠
ھاوپەیمانان	دەوڵەتانی ھاوپەیمان :  ئێران  سووریا  ڕووسیا  لوبنان  عێراق  کووبا (بانگەشەکراو)  کۆریای باکوور (بانگەشەکراو، لەلایەن کۆریای باکوور ڕەت کراوە)  ڤێنیزوێلا (alleged, denied by Venezuela) ھاوپەیمانانی نا دەوڵەت: بزووتنەوەی ئەمەل  حووسییەکان (بانگەشە لەلایەن حکوومەتی یێمەنی ھادی و ھاوپەیمان، حیزبوللا ڕەتی دەکاتەوە) حەماس حەشدی شەعبی
دوژمنان	دەوڵەتانی دژبەر :  ویلایەتە یەکگرتووەکان  ئیسرائیل  عەرەبستانی سعوودی  بەحرەین  مەغریب  کەنەدا  ئوسترالیا  نیوزیلاند  شانشینی یەکگرتوو  فەڕەنسا  ئەرژەنتین  پاراگوای  ھۆلەند  ئازەربایجان  ژاپۆن  تایوان  ڤێنیزوێلا (Guaidó government)  ھۆندووراس  کۆلۆمبیا Suprastate organizations opponents:  کۆمکاری عەرەبی  Cooperation Council for the Arab States of the Gulf  یەکێتیی ئەورووپا  ناتۆ Non-state opponents: سوپای باشووری لوبنان ئەلقاعیدە  دەوڵەتی ئیسلامی لە عێراق و شام سوپای ئازادی سووریا بەرەی نوسرە ھەییەی تەحریری لە شام موجاھیدینی خەلقی ئێران

حیزبوڵڵای لوبنان لە دوای شەڕی لوبنان لە ساڵی ١٩٨٢ لەلایەن پیاوانی ئایینی لوبنانی کە لە نەجەف خوێندنیان کردبوو، دامەزرا. ئەو مۆدێلەیان وەرگرت کە ڕووحوڵڵا خومەینی دوای شۆڕشی ئێران لە ساڵی ١٩٧٩ دای نابوو و دامەزرێنەرانی ئەو حیزبە «حیزبوڵڵا»یان وەک ناوێک وەرگرت کە خومەینی ھەڵیبژاردبوو. ئەم ڕێکخراوە بە پشتیوانی ١٥٠٠ ڕاھێنەری سپای پاسدارانی شۆڕشی ئیسلامیو کۆکردنەوەی گرووپە شیعەکانی جۆراوجۆرەکانی لوبنان بۆ ڕێکخراوێکی یەکگرتوو بۆ بەرەنگاربوونەوەی داگیرکاری ئیسرائیل لە باشووری لوبنان پێک ھات.

حیزبوڵڵا پەیوەندییەکی نزیکی لەگەڵ ئێران ھەیە. ھەروەھا پەیوەندی لەگەڵ سەرکردایەتی سووریا ھەیە، بە تایبەتی سەرۆک حافز ئەسەد (تا مردنی لە ساڵی ٢٠٠٠) پشتیوانی لێدەکرد. ھەروەھا ھاوپەیمانێکی نزیکی ئەسەدە و سەرکردەکەی بەڵێنی پشتیوانی لە شەڕی سووریای دا.ھەرچەندە حیزبوڵڵا و حەماس لەڕووی ڕێکخراوەیییەوە پەیوەندییان نییە، بەڵام حیزبوڵڵا مەشقی سەربازی و ھەروەھا پاڵپشتی دارایی و ئەخلاقی بۆ ئەم گرووپ فەلەستینییە سوننە دەکات. جگە لەوەش حیزبوڵڵا لایەنگرێکی سەرسەختی ئینتیفازەی دووەم بوو.

بەرپرسانی دژە تیرۆری ئەمریکا و ئیسرائیل دەڵێن حیزبوڵڵا پەیوەندی بە ئەلقاعیدەوە ھەیە (یان ھەبووە)، ھەرچەندە سەرکردەکانی حیزبوڵڵا ئەو تۆمەتانە ڕەت دەکەنەوە. ھەروەھا ھەندێک لە سەرکردەکانی ئەلقاعیدە، وەک ئەبو موسعەب زەرقاوی و پیاوانی ئایینی وەھابی، حیزبوڵڵا بە کافر (لادەر) دادەنێن؛ بەڵام بەرپرسانی ھەواڵگری ئەمریکا پێیان وایە پەیوەندییەک ھەبووە لە نێوان حیزبوڵڵا و کەسایەتییە ئاست نزمەکانی ئەلقاعیدە کە لە ئەفغانستان ھەڵھاتوون بۆ لوبنان؛ بەڵام میشێل سەماھا، وەزیری پێشووی ڕاگەیاندنی لوبنان ڕای گەیاندووە کە حیزبوڵڵا ھاوپەیمانێکی گرنگی حکوومەت بووە لە شەڕی دژ بە گرووپە تیرۆریستییەکان، ھەروەھا «ھەوڵی ئەمریکا بۆ بەستنەوەی حیزبوڵڵا بە قاعیدە» بە «سەرسووڕھێنەر» وەسف دەکات.

•  دەروازەی ئیسلام
•  دەروازەی شەڕ
•  دەروازەی شیعە
•  دەروازەی لوبنان