بەلۆچستان

بەلۆچستان ھەرێمێکی جوگرافییە کە لە ڕۆژاواوە بەسەر ئێران، لە باکوورەوە بەسەر ئەفغانستان و لە ڕۆژھەڵاتەوە بەسەر پاکستاندا دابەشکراوە.

بەلۆچستان بلوچِستْان
ھەرێم
ئاڵای بەلۆچستان
ھەرێمی بەلۆچستان بە پەمەیی نیشان دراوە
وڵاتەکان	پاکستان  ئێران  ئەفغانستان
ژمارەی دانیشتووان  (٢٠٢٠)
• سەرجەم	١٩–٢٧ ملیۆن
دانیشتووناسی
• گرووپی ڕەگەزی	بەلۆچ
• زمانەکان	بەلۆچی ھەروەھا: براھوویی، پەشتۆ، فارسی، ئوردوو
گەورەترین شارەکان	کووێتە توربەت خووزدار زەرەنج ئۆتھەل زاھیدان پەھرە دێرە ئەڵڵا یار سیبی قەڵات دێرە موراد جەمالی زابۆل گوادەر چابەھار نووشکی خاش سەراوان

بەلۆچستان ناوچەیەکی وشک، بیابانی و پڕ لە گڕکانە. لە ڕۆژاواوە تا زنجیرەچیاکانی «بام» درێژەی ھەیە. لە باکووری ڕۆژھەڵات، بەرزایییەکانی سولەیمان لە پەنجابی جیا دەکاتەوە. لە باشووری ڕۆژھەڵاتەوە، زەنجیرە چیای خرتار تا بیابانی خەرتان کە دەگاتە لای زەریای عەمان سنووری بۆ دادەنێ. لە ڕۆژھەڵاتەوە دەگاتە چۆمی ئەندووس و سنوورەکانی کەراچی.

لە لایەکی دیکەوە گەلی بەلۆچ دەکەونە باشووری ڕۆژھەڵاتی ئێرانەوە (دەکەونە ناو پارێزگای سێستان و بەلۆچستان، باشووری پارێزگای کرمان، ڕۆژھەڵاتی پارێزگای ھورمزگان و باشووری پارێزگای خۆراسانی باشوور) و ناوچەکەیان بیابانییە و گەلھەیان نزیک ٣٫٥ تا ٥ ملیۆن کەسە. لە دیوی ئەفغانستانیش دەکەونە پارێزگای نیمڕۆز و گەلھەیەکی ٥٠٠ ھەزار تا ٢ ملیۆن کەسی پێکدێنن. ھەروەھا لە پاکستان بە ١٨ تا ٢٠ ملیۆن مەزەندە دەکرێن کە زۆربەیان لە پارێزگای بەلۆچستاندا دەژین.

لە مێژوودا ناوی بەلۆچستان بە «مەکا» ھاتووە و یۆنانییەکان بە «گدرووزیا» ناویان بردووە.

• پارێزگای سێستان و بەلۆچستان (ئێران)
• پارێزگای بەلۆچستان (پاکستان)
• زمانی بەلۆچی
• ئەنسارولفورقان