Seaborgiom

Seaborgiom
	Dubniom – Seaborgiom – Bohriom
; W; Sg	Taolenn beriodek
Perzhioù hollek
Niver atomek	106
Rummad kimiek	Metaloù ardreuzat
Strollad	6
Trovezh	7
Bloc'h	d
Tolz atomek	[269]
Aozadur elektronek
	[Rn] 5f14 6d4 7s2; Dasparzh an elektronoù : 2, 8, 18, 32, 32, 12, 2
Perzhioù atomek
Niver oksidadur	+6 Oksidenn drenkek skañv
Tredanleiegezh	(stlenn ebet) (Skeul Linus Pauling)
Gremmoù ionadur	1 : 753 kJ/mol; 2 : 1 650 kJ/mol; 3 : 2 490 kJ/mol
Skin atomek	132 pm (brasjedet)
Skin kenamsav	143 pm
Skin Van der Vaals	(stlenn ebet)
Perzhioù fizikel
Arvez	Kaled (diouganet)
Douester (≈20 °C)	23,2 g/cm3 (brasjedet)
Teuzverk	(stlenn ebet)
Bervverk	(stlenn ebet)
Tredanharzusted	(stlenn ebet) nΩ•m (e 20 °C)

Ur metal ardreuzat eo. Skinoberiek eo ar seaborgiom.

Un elfenn kevanaozet gant mab-den eo ar seaborgiom, n'eus ket anezhañ en natur.

Istor

E miz Gwengolo 1974, e Lawrence Berkeley National Laboratory (LBNL) e Kalifornia, ur skipailh kaset gant Albert Ghiorso a zeuas a-benn da genderc'hañ un atom eus izotop 263 an elfenn 106 (²⁶³106) dre vombezenniñ ²⁴⁹Cf gant derc'hanoù ¹⁸O.
E 1985, en Ensavadur Unvanet an Enklaskoù Nukleel (ruseg : Объединённый институт ядерных исследований, ОИЯИ) e Dubna e teuas Georgiy Flerov, Youri Oganesian hag o skipailh da genaozañ an izotopoù ²⁵⁹106 ha ²⁶⁰106 dre vombezenniñ plom gant krom.

Tabut a voe pa ginnigas LBNL envel an elfenn nevez en enor da unan eus izili ar skipailh, Glenn T. Seaborg (1912-1999), en devoa kemeret perzh e dizoloadur meur ag aktinid. Unnilhexium e voe an anv kinniget gant an International Union of Pure and Applied Chemistry (IUPAC) da c'hortoz gwell. E 1994 e kinnigas an IUPAC an anv rutherfordium, ha divizout a reas ne vije elfenn ebet a gement a vije anvet en enor d'un den bev. Enep an diviz-se e savas an American Chemical Society (ACS), pa oa bet anvet an einsteiniom e-kerzh buhez Albert Einstein. E 1998, pa voe tabut adarre a-zivout an elfennoù ₁₀₄Rf betek ₁₀₈Hs, ez asantas an IUPAC e vije seaborgium anv etrebroadel an elfenn 106.

Perzhioù

Dre arselliñ an izotop stabilañ ²⁷¹Sg, eo 2,4 munutenn e hanter-vuhez, e ouzer ez eo perzhioù ₁₀₆Sg par da re e amezeg er strollad 6, ar wolfram ₇₄W.
Diouganet eo e vije Sg an elfenn bounnerañ e strollad 6 an daolenn, dindan ₂₄Cr, ₄₂Mo ha ₇₄W. Dre m'eo +6 niver oksidadur an teir elfenn-se ha dre ma teu stabiloc'h-stabilañ a-feur ma tiskenner er strollad e c'haller lavaret ez eo +6 (stabil) niver oksidadur ar seaborgiom.

Kimiek

Diwar re ₄₂Mo ha ₇₄W e c'haller diouganañ e vo perzhioù kimiek ar seaborgiom par da re e amezeien.

Izotopoù

Meur ag izotop da Sg zo bet kevanaozet a-c'houde 1974, dre zagweredoù disheñvel, a gavor en daolenn amañ a-is.

Izotop	Kavet e	Dazgwered
²⁵⁸Sg	1994	²⁰⁹Bi(⁵¹V,2n)
²⁵⁹Sg	1985	²⁰⁷Pb(⁵⁴Cr,2n)
²⁶⁰Sg	1985	²⁰⁸Pb(⁵⁴Cr,2n)
^261gSg	1985	²⁰⁸Pb(⁵⁴Cr,n)
^261mSg	2009	²⁰⁸Pb(⁵⁴Cr,n)
²⁶²Sg	2001	²⁰⁷Pb(⁶⁴Ni,n)
^263mSg	1974	²⁴⁹Cf(¹⁸O,4n)
^263gSg	1994	²⁰⁸Pb(⁶⁴Ni,n)

Izotop	Kavet e	Dazgwered
²⁶⁴Sg	2006	²³⁸U(³⁰Si,4n)
²⁶⁵Sg	1993	²⁴⁸Cm(²²Ne,5n)
²⁶⁶Sg	2004	²⁴⁸Cm(²⁶Mg,4n)
²⁶⁷Sg	2004	²⁴⁸Cm(²⁶Mg,3n)
²⁶⁸Sg	(dianav)
²⁶⁹Sg	2010	²⁴²Pu(⁴⁸Ca,5n)
²⁷⁰Sg	(dianav)
²⁷¹Sg	2003	²⁴²Pu(⁴⁸Ca,3n)

Arver

Hini ebet, war-bouez an enklaskoù.

Notennoù

Daveennoù

American Chemical Society (en) Liamm oberiant 25 DU 12
AN NOALLEG Yann-Baol, Geriadur ar Gimiezh, Preder, Plomelin, 2008 ISBN 978-2-901383-69-7 Preder
AN NOALLEG Yann-Baol, Geriadur ar Fizik, Preder, Plomelin, 2006 ISBN 978-2-901383-64-2
Annales de chimie et de physique, Gallica / Bibliothèque nationale de France (fr) Liamm oberiant 26 HER 12
Atomic weights of the elements 2007 (IUPAC Technical Report) Pure an Applied Chemistry (en) Liamm oberiant 26 HER 12
Atomic Weights and Isotopic Compositions for All Elements National Institute of Standards and Technology (en) Liamm oberiant 18 HER 12
Bureau de Recherche Géologique et Minière (BRGM) (fr) Liamm oberiant 26 HER 12
CONSIDINE Glenn D., Van Nostrand's Encyclopedia of Chemistry, Wiley-Interscience, 2005 ISBN 978-0-471-61525-5 (en)
DEPOVERE Paul, La classification périodique des éléments — La merveille fondamentale de l'Univers, De Boeck, Brussels, Belgia, 2002 ISBN 978-2-8041-4107-3 (fr)
EMSLEY John, Nature's Building Blocks — An A-Z Guide to the Elements, Oxford University Press, 2001 ISBN 978-0-19-850341-5 (en)
Geriadur brezhoneg An Here, Plougastell-Daoulaz, 2001 ISBN 978-2-86843-236-0
ÉTIENNE Guy, Geriadur ar Stlenneg, Preder, 1996 ISBN 978-2-901383-14-7
HOLDEN Norman, History of the Origin of the Chemical elements and Their Discoverers, New York, 2001 Brookhaven National Laboratory (en) Liamm oberiant 26 HER 12
International Union of Pure and Applied Chemistry (IUPAC) (en) Liamm oberiant 26 HER 12
Joint Institute for Nuclear Research (ОИЯИ e Dubna) (en) Liamm oberiant 25 DU 2012
LIDE David R., CRC Handbook of Chemistry and Physics - 88th Edition, CRC Press,2007 ISBN 978-0-8493-0488-0 (en)
National Nuclear Data Center (en) Liamm oberiant 09 KZU 12
Royal Society of Chemistry (en) Liamm oberiant 03 KZU 2012
STWERTKA Albert, A Guide to the Elements, Oxford University Press, 1996 ISBN 978-0-19-508083-4 (en)
Webelements (en) Liamm oberiant 26 HER 2012

Kimiezh \| Elfennoù kimiek
Rolloù hervez an arouez ~ hervez an anv • Taolenn beriodek Taolennoù an izotopoù rannet ~ klok
Dmitriy Mendeleyev • Ernest Rutherford

This article uses material from the Wikipedia Brezhoneg article Seaborgiom, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.