रूस के यूक्रेन पर हमला, 2022

24 फरवरी 2022 के रूस द्वारा यूक्रेन पर बड़हन पैमाना पर हमला क दिहल गइल जे लमहर समय से चलत आ रहल रूस-यूक्रेन युद्ध के एगो बड़ पैमाना के घटना बाटे। एह हमला के तइयारी रूस द्वारा 2021 के सुरुआते में एह इलाका में सेना एकट्ठा करे से सुरू भइल; रूस के मांग रहल कि यूक्रेन के नाटो में मत सामिल कइल जाय। हमला करे के ठीक पहिले रूस द्वारा खुद-घोषित दू गो इलाका दोनेत्स्क पीपल्स रिपब्लिक आ लोहान्स्क पीपल्स रिपब्लिक के मान्यता दे दिहल गइल। एकरा बाद डोनबास इलाका में रूस के सेना हमला सुरू क दिहलस।