मैंग्रोव अइसन छोट झाड़ी नियर पौधा चाहे फेड़ होलें जे समुंद्र के तटीय इलाका सभ के खारा पानी चाहे कुछ कम खारा पानी (ब्रैकिश वाटर) में होखे लीं। मैंग्रोव शब्द के इस्तेमाल अइसन उष्णकटिबंधी इलाका भा क्षेत्र सभ खातिर भी होला जहाँ एह तरह के बनस्पति पावल जालीं। मैंग्रोव बनस्पति पूरा दुनियाँ भर में उष्णकटिबंध आ उपोष्णकटिबंध के इलाका में पावल जालीं, इहाँ तक कि कुछ समशीतोष्ण इलाका सब में भी मिले लीं; हालाँकि, इनहन के मुख्य एरिया 30° N आ 30° S हवे आ सभसे बेसी कंसंट्रेशन भूमध्यरेखा के 5° दुनों ओर के बीचा में देखे के मिले ला।
मैंग्रोव के उत्पत्ती लेट क्रीटैशियस से पैलियोसीन के बीचा में भइल मानल जाला आ ई पूरा बिस्व में फइल गइल, बिसेस रूप से प्लेट टैक्टॉनिक्स संबंधी मूवमेंट के चलते।
मैंग्रोव सभ नमक के सह सके लें (इनहन के हैलोफाइट कहल जाला), आ लहर सभ के मार झेल सके लें; एही कारण ई समुंद्र के तीरे के के कठिन पर्यावरण में अपना के एडाप्ट क सके लें। इनहन में एक किसिम के जटिल सिस्टम होखे ला जे नमक के छान सके ला आ इनहन के सोर (जड़) नमकीन पानी में बूड़े आ लहर के झटका झेले खातिर बिसेस रूप से तइयार रहे ले। ई कम ऑक्सीजन वाला पानी के जमाव वाला दलदली कीचड़-कानो वाला क्षेत्र सैम में भी रह सके लें हालाँकि, अंतरज्वारीय क्षेत्र के ऊपरी हिस्सा में इनहन के बढंती बिसेस रूप से होखे ला।
पर्यावरण खातिर मैंग्रोव बन सभ के बिसेस महत्त्व बाटे। ई समुंद्र तट के सुरक्षा करे लें, इनहन के सोर (जड़) कई किसिम के जीवधारी सभ के आवास बने लीं; इनहन के दलदली इलाका कार्बन के सोख के नीला कार्बन में बदले ला आ जलवायु बदलाव के रोके में सहायक होला। गंगा-ब्रह्मपुत्र डेल्टा में, भारत आ बांग्लादेस में फइलल सुंदरबन दुनिया के सभसे बड़ एकलगातार मैंग्रोव बन हवे। एहिजे के एगो खास मैंग्रोव बनस्पति heritiera fomes के सुंदरी के पेड़ कहल जाला।
विकिमीडिया कॉमंस पर संबंधित मीडिया Mangrove पर मौजूद बा। |
ई पर्यावरण-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
This article uses material from the Wikipedia भोजपुरी article मैंग्रोव, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.