बिपिन रावत
जनरल बिपिनसिंह रावत पीवीएसएम, यूवाईएसएम, एवीएसएम, वाईएसएम, एसएम, वीएसएम, एडीसी (16 मार्च 1958 — 8 दिसंबर 2021) भारत के पहिला चीफ ऑफ डिफेंस स्टाफ (सीडीएस) रहलें; उ 1 जनवरी 2020 के रक्षा प्रमुख के पद के प्रभार पर रहलें। एकरा से पहिले उ 31 दिसंबर 2016 से 31 दिसंबर 2019 तक भारतीय सेना के प्रमुख के पद प रहले।
| जनरल बिपिन रावत PVSM, UYSM, AVSM, YSM, SM, VSM, ADC | |
|---|---|
.jpg) 2020 में जनरल रावत | |
| Born | मार्च 16, 1958 गढ़वाल, उत्तर प्रदेश (वर्तमान में पौड़ी गढ़वाल, उत्तराखंड) |
| Died | 8 दिसंबर 2021 (उमिर 63) कुन्नूर, तमिलनाडु, भारत |
| Allegiance | भारत |
| Service/ | भारतीय थल सेना |
| Years of service | 16 दिसंबर 1978 – 8 दिसंबर 2021 |
| Rank |  जनरल |
| Unit | 5/11गोरखा राइफल्स |
| Commands held | उप सेना प्रमुख, दक्षिणी कमान भारत IIIकोर संयुक्त राष्ट्र शांति मिशन कांगो लोकतान्त्रिक गणराज्य 19 इन्फैंट्री डिवीजन 5 सेक्टर राष्ट्रीय राइफल्स इन्फैंट्री बटालियन, पूर्वी सेक्टर |
| Awards |  परम विशिष्ट सेवा पदक  उत्तम युद्ध सेवा पदक  अति विशिष्ट सेवा पदक  युद्ध सेवा पदक  सेना पदक  विशिष्ट सेवा पदक ऐड-डि-कैम्प |
| Spouse(s) | मधुलिका रावत |
| बिपिन रावत | |
|---|---|
| भारत के पहिला रक्षा प्रमुख | |
| कार्यकाल 1 जनवरी 2020 - 8 - दिसंबर - 2021 | |
| राष्ट्रपति | रामनाथ कोविंद |
| प्रधानमंत्री | नरेंद्र मोदी |
| रक्षा मंत्री | राजनाथ सिंह |
| इनसे पहिले | पद बनावल गइल |
| इनके बाद | पद खाली |
| भारत के थलसेनाध्यक्ष, 26वाँ | |
| कार्यकाल 31 दिसंबर 2016 - 31 दिसंबर 2019 | |
| इनसे पहिले | दलबीर सिंह सुहाग |
| इनके बाद | मनोज मुकुंद नरवणे |
| राष्ट्रपति | प्रणब मुखर्जी रामनाथ कोविंद |
| प्रधानमंत्री | नरेंद्र मोदी |
| रक्षा मंत्री | निर्मला सीतारमण अरुण जेटली मनोहर पर्रीकर |
8 दिसंबर 2021 के जनरल रावत के एगो हेलीकाप्टर दुर्घटना में 63 बरिस के उमिर में निधन भ गइल।
शुरुआती जिनगी आ शिक्षा
बिपिन लक्ष्मण सिंह रावत के जनम 16 मार्च 1958 के उत्तर प्रदेश के गढ़वाल जिला के पौड़ी (वर्तमान में पौड़ी गढ़वाल जिला, उत्तराखंड) में भइल। उनकर परिवार कई पीढ़ी से भारतीय सेना में सेवारत रहे। उनकर पिता लक्ष्मण सिंह राजपूत पौड़ी गढ़वाल जिला के सैनजी गाँव के रहे वाला रहले आ लेफ्टिनेंट जनरल के रैंक से रिटायर भइल रहलें। उनकर महतारी उत्तरकाशी जिला के रहली आ किशन सिंह परमार के बेटी रहली जे उत्तरकाशी विधान सभा से विधायक रहली।
जनरल रावत आपन शुरुआती शिक्षा देहरादून के कैम्ब्रिन हॉल स्कूल आ शिमला के सेंट एडवर्ड स्कूल में कइलें। एकरा बाद उ खडकवासला में स्थित राष्ट्रीय रक्षा अकादमी में दाखिला लेले। एकरा बाद रावत भारतीय सैन्य अकादमी, देहरादून से प्रथम श्रेणी में स्नातक भइलें आ इहाँ के बेहतरीन प्रदर्शन खातिर तलवार के सम्मान से सम्मानित भइलें।
रावत वेलिंगटन के डिफेंस सर्विसेज स्टाफ कॉलेज से भी स्नातक कइलें आ 1997 में फोर्ट लीवनवर्थ, कैनसस में यूनाइटेड स्टेट्स आर्मी कमांड एंड जनरल स्टाफ कॉलेज से स्नातक कइलें। बाद में रावत मद्रास विश्वविद्यालय से रक्षा अध्ययन में एम.फिल. डिग्री हासिल कइलें आ प्रबंधन आ कंप्यूटर अध्ययन में डिप्लोमा भी कइलें। साल 2011 में मिलिट्री मीडिया स्टडीज के क्षेत्र में शोध खातिर चौधरी चरण सिंह विश्वविद्यालय से मानद पीएचडी से सम्मानित कइल गइल।
सेना में सेवा
जनरल रावत 1978 में 11वीं गोरखा राइफल्स के 5वीं बटालियन से आपन कैरियर शुरू कइलें।
- जनवरी 1979 में, मिजोरम में सेना में पहिला नियुक्ति मिलल।
- नेफा इलाका में तैनाती के दौरान उ बटालियन के कमान सम्हरले रहलें।
- साथ ही कांगो में संयुक्त राष्ट्र शांति सेना के नेतृत्व भी कइलें।
- 01 सितंबर 2016 के वाइस चीफ ऑफ आर्मी स्टाफ के पदभार सम्हरलें।
- 31 दिसंबर 2016 के सेना प्रमुख के रैंक।
- 01 जनवरी 2021 के रक्षा प्रमुख (भारत) के पद।
| Awards and achievements | ||
|---|---|---|
| पहिले केहुओ ना | रक्षा प्रमुख (सीडीएस) 1 जनवरी 2020 - 08 दिसंबर 2021 | बाद में कौनो घोषणा ना |
| पहिले दलबीर सिंह सुहाग | सेनाध्यक्ष 31 दिसंबर 2016 - 31 दिसंबर 2020 | बाद में मनोज मुकुंद नरवणे |
| पहिले मन मोहन सिंह राय | उपसेनाध्यक्ष 1 सितंबर 2016 - 31 दिसंबर 2016 | बाद में सरथ चंद |
| पहिले अशोक सिंह | 'जनरल ऑफिसर कमांडिंग - इन - चीफ, दक्षिणी कमान' 1 जनवरी 2016 - 31 जुलाई 2016 | बाद में पी एम हेरीज़ |
| पहिले एस एल नरसिम्हन | 'जनरल ऑफिसर कमांडिंग तृतीय कोर' 1 सितंबर 2014 - 23 नवंबर 2015 | बाद में अभय कृष्ण |
रक्षा प्रमुख के रूप में द्विपक्षीय यात्रा
| देश | तारीख | माने | सिफारिश |
|---|---|---|---|
| 2017 | |||
| नेपाल | 28 — 31 मार्च |
| |
| बांग्लादेश | 31 मार्च — 2 अप्रैल |
| |
| भूटान | 27 — 30 अप्रैल |
| देश |
| म्यांमार | 28 — 31 मई |
| देश |
| कजाकिस्तान | 1-3 अगस्त |
| देश |
| तुर्कमेनिस्तान | 4 — 5 अगस्त |
| देश |
| 2018 | |||
| नेपाल | 12 — 14 फरवरी |
| |
निधन
8 दिसंबर 2021 के भारतीय वायुसेना के मिल एमआई-17 हेलीकाप्टर पर जनरल रावत, उनकर मेहरारू आ उनकर निजी स्टाफ के अउरी सदस्य लोग समेत कुल 10 गो यात्री आ 4 गो चालक दल के सदस्य रहलें जे सुलुरू वायुसेना हवाई अड्डा से डिफेंस सर्विस स्टाफ़ कॉलेज, वेलिंगटन जात रहले जहाँ जनरल रावत के व्याख्यान देबे के रहे। स्थानीय समय के अनुसार रात के करीब 12:10 बजे नीलगिरी जिला के कुनूर तालुका के बंदिशोला ग्राम पंचायत में स्थित एगो निजी चाय के बगीचा के आवासीय कॉलोनी के नजदीक इ दुर्घटना भइल। दुर्घटना के जगह हेलीकाप्टर के उतरे वाला जगह से करीब 10 किलोमीटर दूर रहे। जनरल रावत — आ उनुकर पत्नी समेत 11 गो अउरी लोग के मौत के बाद में भारतीय वायुसेना के पुष्टि भइल। भारतीय वायुसेना के ग्रुप कप्तान वरुण सिंह एकमात्र दुर्घटना से बचे वाला ब्यक्ति रहलें। लेकिन कुछ दिन बाद उनहूँ के बेंगलुरु के मिलिट्री कमांड अस्पताल में मौत भ गइल। निधन के समय रावत के उमिर 63 साल रहे।
बियफे 10 दिसंबर के जनरल रावत के हिंदू संस्कारन के हिसाब से आ पूरा सैन्य सम्मान का साथे 17 बंदूकन के सलामी के साथे बरार चौक पर दाह संस्कार कइल गइल। दाह संस्कार के संस्कार उनुकर दुनो बेटी पूरा कइल लोग।
पुरस्कार आ सम्मान
| उत्तम युद्ध सेवा पदक | अति विशिष्ट सेवा पदक | ||
| युद्ध सेवा पदक | सेना पदक | विशिष्ट सेवा पदक | |
घाव पदक | सामान्य सेवा पदक | विशिष्ट सेवा पदक | ऑपरेशन पराक्रम पदक |
सैन्य सेवा पदक | उच्च तुंगता सेवा पदक | विदेश सेवा पदक | आजादी की 50वीं वर्षगांठ पदक |
30 वर्ष लमहर सेवा पदक | 20 वर्ष लमहर सेवा पदक | 9 वर्ष लमहर सेवा पदक | संयुक्त राष्ट्र शांतिस्थापन (मोनुस्को) |
संदर्भ
This article uses material from the Wikipedia भोजपुरी article बिपिन रावत, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.