Ян Мікалай Хадкевіч
Ян Мікалай Хадкевіч (4 сьнежня 1738}}, Гданьск — 2 лютага 1781, Чарнобыль) — дзяржаўны і вайсковы дзяяч Вялікага Княства Літоўскага.
Генэрал-ад’ютант (з 1764), адначасна староста генэральны жамойцкі, генэрал-лейтэнант расейскай арміі (1778).
![Ян Мікалай Хадкевіч[a]](/wiki/be-tarask/%D0%A4%D0%B0%D0%B9%D0%BB:Jan_Mika%C5%82aj_Chadkievi%C4%8D._%D0%AF%D0%BD_%D0%9C%D1%96%D0%BA%D0%B0%D0%BB%D0%B0%D0%B9_%D0%A5%D0%B0%D0%B4%D0%BA%D0%B5%D0%B2%D1%96%D1%87_(1770-79).jpg) Ян Мікалай Хадкевіч | |
 Герб «Касьцеша» | |
| Асабістыя зьвесткі | |
|---|---|
| Нарадзіўся | 14 сьнежня 1738
|
| Памёр | 2 лютага 1781 (42 гады) або 26 лютага 1781 (42 гады) |
| Пахаваны | |
| Род | Хадкевічы |
| Бацькі | Адам Тадэвуш Эва з Чапскіх |
| Жонка | Людвіка Марыя з Жавускіх |
| Дзеці | Вацлаў, Юзэф, Ксавэры, Аляксандар Францішак, Ганна, Разалія, Альжбета |
| Дзейнасьць | вайсковец |
Быў старостам вялёнскім. Граф на Шклове і Новай Мышы. Кавалер ордэнаў Сьвятога Станіслава (1764) і Белага арла (9.05.1774).
Біяграфія
.jpg)
З магнацкага роду Хадкевічаў гербу «Касьцеша», сын Адама Тадэвуша (1711—1745), ваяводы берасьцейскага і Эвы з Чапскіх (памерла ў 1769). Успадкаваў ад бацькі тытул графа на Шклове і Мышы.
У 1757 годзе скончыў Віленскі ўнівэрсытэт. Пэўны час жыў у мястэчку Турцы на Наваградчыне. У 1758—1759 гадох удзельнічаў у Сямігадовай вайне на баку Францыі.
У 1764 годзе абіраўся паслом на канвакацыйны сойм. Падтрымаў абраньне Станіслава Аўгуста Панятоўскага. Атрымаў ад новага гаспадара званьне генэрал-ад’ютанта і ўрад старосты генэральнага жамойцкага.
У часе Барскай канфэдэрацыі заняў неадназначную пазыцыю. Афіцыйна шкадаваў пра стан краіны, што аднак не перашкаджала яму падтрымліваць камандзіраў расейскага і прускага войскаў, якія баранілі ягоную ўласнасьць. У 1778 атрымаў званьне генэрал-лейтэнанта арміі Расейскай імпэрыі.
._%D0%9B%D1%8E%D0%B4%D0%B2%D1%96%D0%BA%D0%B0_%D0%A5%D0%B0%D0%B4%D0%BA%D0%B5%D0%B2%D1%96%D1%87_(%D0%96%D0%B0%D0%B2%D1%83%D1%81%D0%BA%D0%B0%D1%8F)_(XVIII).jpg)
1 студзеня 1766 году ажаніўся зь Людвікай Марыяй (1744—1816), дачкой ваяводы кракаўскага і гетмана польнага кароннага Вацлава Жавускага (1705—1779) і Ганны Любамірскай (1714—1763). У шлюбе нарадзіліся дзеці:
- Вацлаў (каля 1767—1784)
- Юзэф (памёр у дзяцінстве)
- Ксавэры (памёр у дзяцінстве)
- Аляксандар Францішак (1776—1838), брыгадны генэрал, сэнатар-кашталян Царства Польскага
- Ганна (памерла ў дзяцінстве)
- Разалія (1768—1793), жонка з 1780 году кашталяна кіеўскага князя Аляксандра Любамірскага (1749—1808)
- Альжбета (1769—1821), жонка з 1787 году кашталяна віленскага князя Мацея Радзівіла (1749—1800)
Спачыў у Супрасьльскім манастыры.
Заўвагі
Крыніцы
Вонкавыя спасылкі
- Jan Mikołaj Chodkiewicz (пол.). Genealogia dynastyczna. Праверана 18 студзеня 2011 г.
This article uses material from the Wikipedia Беларуская (тарашкевіца) article Ян Мікалай Хадкевіч, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.