Златан Ібрагімавіч: швэдзкі футбаліст
Зла́тан Ібрагі́мавіч (па-басьнійску: Zlatan Ibrahimović; нар.
3 кастрычніка 1981 году ў Мальмё, Швэцыя) — колішні швэдзкі футбаліст басьнійскага паходжаньня, нападнік. Гулец нацыянальнай зборнай Швэцыі, у якой быў капітанам каманды. Адзін з самых высокааплатных футбольных гульцоў сьвету свайго часу. Ібрагімавіч зрабіў больш за 100 выступаў за зборную Швэцыі, а таксама ёсьць найлепшым бамбардзірам зборнай за ўсе часы ў міжнародных матчах. Неаднаразова прадстаўляў Швэцыю на чэмпіянатах сьвету і Эўропы.
| Златан Ібрагімавіч | ||
 | ||
| Пэрсанальная інфармацыя | ||
|---|---|---|
| Нарадзіўся | 3 кастрычніка 1981[…] (42 гады) | |
| Рост | 195 см | |
| Вага | 95 кг | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 1999—2001 2001—2004 2004—2006 2006—2009 2009—2010 2010—2012 2012—2016 2016—2018 2018—2019 2020—2023 | Мальмё Аякс Ювэнтус Інтэрнацыянале Барсэлёна Мілян Пары Сэн-Жэрмэн Манчэстэр Юнайтэд Лос-Анджэлес Гэлаксі Мілян | 40 (16) 74 (35) 70 (23) 88 (57) 29 (16) 61 (42) 122 (113) 33 (17) 58 (53) 64 (34) |
| Зборныя | ||
| 2001—2023 | Швэцыя | 122 (62) |
Златана параўноўваюць з былым нідэрляндзкім гульцом Марка ван Бастэнам. Швэдзкі гулец быў адным з найлепшых нападнікаў сьвету і лічыцца адным з самых выбітных футбалістаў свайго пакаленьня. Ягоны ўражлівы гол церазь сябе ў матчы за зборную Швэцыі супраць зборнай Ангельшчыны атрымаў у 2013 годзе прэмію Пушкаша як найлепшы гол году. У сьнежні 2014 году швэдзкая газэта Dagens Nyheter назвала Ібрагімавіча другім найлепшым швэдзкім спартоўцам усіх часоў пасьля Б’ёрна Борга.
Кар’ера
Распачаў кар’еру ў родным горадзе Мальмё. У 2004 годзе пачаў гуляць за Ювэнтус і адразу трапіў у намінацыю на брыльянтавы мяч як найлепшы гулец сьвету.
У сьнежні 2019 году кантракт Златана Ібрагімавіча з Лос-Анджэлес Гэлаксі скончыўся. Напрыканцы 2019 году падпісаў кантракт зь Мілянам да канца сэзона з магчымасьцю працягу яшчэ на год.
Дасягненьні
«Аякс»:
- Чэмпіён Нідэрляндаў: 2002, 2004
- Уладальнік Кубка Нідэрляндаў па футболе: 2002
- Уладальнік Супэркубка Нідэрляндаў па футболе: 2003
«Ювэнтус»:
- Чэмпіён Італіі: 2005, 2006
«Інтэрнацыянале»:
- Чэмпіён Італіі: 2007, 2008, 2009
- Уладальнік Супэркубка Італіі па футболе: 2006, 2008
«Барсэлёна»:
- Чэмпіён Гішпаніі: 2010
- Уладальнік Супэркубка Гішпаніі па футболе: 2009, 2010
- Уладальнік Супэркубка УЭФА: 2009,
- Пераможца клюбнага чэмпіяната сьвету: 2009
«Мілян»:
- Чэмпіён Італіі: 2011, 2022
- Уладальнік Супэркубка Італіі па футболе: 2011
«Пары Сэн-Жэрмэн»:
- Чэмпіён Францыі: 2013, 2014, 2015, 2016
- Уладальнік Кубка Францыі: 2015, 2016
- Уладальнік Кубка францускай лігі: 2014, 2015, 2016
- Уладальнік Супэркубка Францыі: 2013, 2014, 2015
«Манчэстэр Юнайтэд»
- Уладальнік Кубка Футбольнай лігі: 2017
- Уладальнік Супэркубка Ангельшчыны: 2016
- Пераможца Лігі Эўропы УЭФА: 2017
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Златан Ібрагімавіч, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.