Доўтарт

Асноўны артыкул: Імёны ліцьвінаў

Тэўтарт або Дэўтард, пазьней Дэўтэрт або Даўтэрт (Teuthart, Deudard, Deutert, Dautert) — імя германскага паходжаньня. Іменная аснова -тэўд- (-дэўт-, -тыд-) (імёны ліцьвінаў Таўдвід, Таўтывіл, Таўтгерд; германскія імёны Teutwidis, Theudowills, Teutgerdis) паходзіць ад гоцкага þiuda, германскага þeudo 'род, народ', а аснова -гард- (-гарт-, -арт-) (імёны ліцьвінаў Бэйнарт, Ленарт, Мэйнарт; германскія імёны Beynart, Lenhardt, Meinhart) — ад гоцкага hardus 'моцны, цьвёрды'.

Варыянты імя ў гістарычных крыніцах: жежморское волости… Довторт Станкович (28 траўня 1500 году); в Промядеве чотыри чоловеки… а Довторта Лупача (14 кастрычніка 1502 году); Янъ Довтортовичъ, Петко Довтортовичъ. Хршчонъ Довътортович; Янко Довтортовичъ, Матеи Дофтортовичъ (1528 год); на боярина господарьского Добка Довтортовича… на боярина господарьского Миколая Довторътовича (14 чэрвеня 1541 году); бояре господарьскии Добко а Миколай Петровича Довтортовича… отцу Добкову Петровичу Довтортовичу (28 чэрвеня 1541 году); з роду Уркшевичовъ… Бортку Довтортовичу (15 верасьня 1568 году); Samuel Dowtort (1667 год).

• Ян Доўтартавіч (Даўтортавіч) — дарсуніскі баярын, які ўпамінаецца ў попісе войска Вялікага Княства Літоўскага 1528 году
• Пецька і Хршчон Доўтаратавічы (Даўтортавічы) — жалудоцкія баяры, якія ўпамінаюцца ў попісе войска ВКЛ 1528 году
• Янка Доўтартавіч (Даўтортавіч) — баярын Ковенскага павету, які ўпамінаецца ў попісе войска ВКЛ 1528 году
• Мацей Доўтартавіч (Даўтортавіч) — расенскі баярын, які ўпамінаецца ў попісе войска ВКЛ 1528 году
• Міцька, Марцін і Пац Доўтартавічы (Даўтортавічы) — жыхары Жамойцкага староства, якія ўпамінаюцца ў 1537—1538 гадох

Доўтарты (Dowtort) гербу Любіч — літоўскі шляхецкі род.

У XVI ст. існаваў маёнтак Доўтартавічы (Довтортовичи) у Жамойцкім старостве.

• Тэўта
• Гарт
• Доўтарты