Анты́хрыст — пэрсанаж хрысьціянскай эсхаталёгіі, біблейскіх, царкоўных і іншых прароцтваў пра апошнія дні сьвету.
Згодна зь імі ён будзе чалавекам незвычайных здольнасьцяў, ведаў і ўменьняў, які будзе мець усю сілу сатаны (ня будучы апантаным) і дзейнічаць цалкам вольна супраць Царквы, хрысьціянаў і ўсяго чалавецтва. Большасьць людзей прыме яго за мэсію, і ён стане ўсясьветным дзяржаўным кіраўніком.
У шырокім сэнсе антыхрыстам называюць усіх, хто пярэчыць Хрысту або сьцьвярджае, што зьяўляецца мэсіяй (збавіцелем чалавецтва) або прадаўжальнікам справы Хрыста.
Антыхрыстам называлі імпэратара Нэрона, прарока Мухамада, заваёўніка Тамэрлана, расейскага цара Пятра I, імпэратара Напалеона Банапарта, важакоў Францускай рэвалюцыі, расейскіх бальшавікоў і мэксыканскіх рэвалюцыянэраў. Гэта значыць тых хто выкарыстоўваў гвалт дзяржавы ў веравызнаўчай сфэры, у прыватнасьці ў барацьбе з хрысьціянствам.
Таксама часьцяком такім тэрмінам карысталіся ў палітычнай і міжканфэсійнай барацьбе з мэтай ачарненьня сваіх апанэнтаў. У чыста філязофскім сэнсе антыхрыст ёсьць вышэйшая праява чалавечага сябелюбства.
This article uses material from the Wikipedia Беларуская (тарашкевіца) article Антыхрыст, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.