Антоні Бокун

Вікіпэдыя мае артыкулы пра іншых асобаў з прозьвішчам Бокун.

У 2016 г. пераклаў Новы Запавет і Прыповесьці на беларускую мову.

Нарадзіўся ў 1973 годзе ў Менску ў каталіцкай сям’і. Хадзіў у касьцёл на Залатой Горцы. Скончыў 20-ю менскую школу (1980—1990), хімічны факультэт БДУ (1995), зьбіраўся стаць езуітам. У сярэдзіне 1990-х узначальваў Задзіночаньне беларускіх студэнтаў. З 1999 году пастар менскай пратэстанцкай царквы «Ян Прадвесьнік».

Жанаты, мае двух сыноў — Адама і Язэпа, а таксама дачку - Эстэр.

У 2007 годзе Антоні Бокун быў аштрафаваны на 620 тысячаў рублёў (215 эўра) «за арганізацыю несанкцыянаванага масавага мерапрыемства» — набажэнства, якое ладзілася ў ягонай уласнай хаце. 4 чэрвеня 2007 паводле аналягічнага абвінавачаньня быў арыштаваны на трое сутак.

Удзельнічаў у выданьні «Расейска-беларускага хімічнага слоўніку» (1993),

З 1996 г. працаваў над выданьнем перакладу Бібліі, зробленага Уладзіславам Чарняўскім. Быў рэдактарам выданьня Новага Запавету ў преакладзе У.Чарняўскага (Менск, 1999) і Пяцікніжжа (Менск, 2002). Удзельнічаў у падрыхтоўцы выданьня Новага Запавету (Менск, 2003) і поўнай Бібліі (Менск, 2012), падрыхтаваных Біблійным Таварыствам у Рэспубліцы Беларусь на падставе рукапісаў У.Чарняўскага, а таксама ў выданьні аўдыёвэрсыі «Новага Запавету» ў перакладзе Ўладзіслава Чарняўскага (Менск, 2010). У 2016 г. выдаў пераклад Новага Запавету і Кнігі Прыповесьцяў, ажыцёўлены з арыгінальных моваў.

Аўтар кнігі «Залаты Век Беларусі», а таксама шэрагу артыкулаў, прысьвечаных гісторыі пратэстантызму ў Беларусі. Удзельнічаў у перавыданьні Катэхізіса 1562 г. (Менск, 2005).

• Онлайнавая канфэрэнцыя і біяграфія Антонія Бокуна(недаступная спасылка)
• Профіль У Кантакце