У Кантакце

ВКонтакте) або «ВК» (міжнародная назва VK)— расейская сацыяльная сетка, заснаваная ў 2006 г. Паўлам Дуравым. Першапачаткова прызначалася для студэнтаў і выпускнікоў ВНУ, пазьней — для сувязі з блізкімі.

У Кантакце
Файл:VK.PNG Галоўная старонка У Кантакце па-чэску
Тып	сацыяльная сетка
Даступныя мовы	Беларуская (тарашкевіца) і 88 іншых (28 ліпеня 2020)
Уладальнік	ТАА «В Контакте»
Аўтар	Павал Дураў
Пачатак працы	10 кастрычніка 2006 (17 гадоў таму)
Камэрцыйны?	так
Рэгістрацыя	вольная
Прыбытак	93,8 млн $ (2010)
Актуальны стан	Дзейны
Рэйтынг Alexa	23 (28 ліпеня 2020)
Мова праграмаваньня	KPHP[d]
vk.com

Са студзеня 2009 году «ВК» наведвала больш людзей, чым галоўнага канкурэнта ў Расеі — «Одноклассники». У студзені колькасьць наведнікаў зь Беларусі перавысіла мільён, зь іх 110 тыс. ва ўзросьце звыш 25 гадоў. У лютым налічвала 10 млн карыстальнікаў, 2 млн зь якіх былі зь Беларусі. У ліпені 2010 г. мела 80 млн карыстальнікаў і была найбольш наведванай у Беларусі. У лютым 2011 году штодзённая аўдыторыя сацыяльнай сеткі перавысіла 23 мільёны чалавек. На 2011 г. найбуйнейшая ў Рунэце сацыяльная сетка, трэці паводле папулярнасьці сайт ва Ўкраіне і ў Казахстане, чацьверты — у Беларусі, 42-і — у сьвеце. На 1 сьнежня 2012 г. сетка налічвала звыш 190 млн. улічаных карыстальнікаў, рэкляма падавалася толькі ў расейска- і ўкраінскамоўным выглядзе сайту. У студзені 2014 году аўтар «У Кантакце» Павал Дураў прадаў сваю долю ў кампаніі, а у красавіку 2014 году падаў заяву на звальненьне з пасады Генэральнага дырэктара. 1 красавіка 2016 году зьмяніўся дызайн «У Кантакце». У 2017 годзе «У Кантакце» заблякаваны ва Ўкраіне.

У Кантакце займае трэцяе месца паводле папулярнасьці ў Беларусі.

• Мабільная бачына