Мужчынскае Імя Ала

Асноўны артыкул: Імёны ліцьвінаў

Ала або Ела (Alo, Allo, Elo) — імя германскага паходжаньня. Іменная аснова ал- паходзіць ад гоцкага alls 'увесь, кожны'. Сярод ліцьвінаў бытавалі імёны Алейка (Алека), Аліш (Альш, Гальш), Альбэрт, Альбут, Альвін, Альвіс, Альгерд (Альгард, Альгарт), Алігут, Альман, Альмін, Аламунт. Адзначаліся германскія імёны Allecke (Alico), Allisch (Alsch, Halsch), Alabert (Albert), Albot, Alwin, Alvis, Algart (Olgard), Algut, Alman, Almin, Alamunt. Іменная аснова ал- таксама магла ўтварыцца шляхам скарачэньня асновы адал- (dl > ll > l), якая паходзіць ад стараверхненямецкага adal 'шляхетны род'.

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Alisz (Alusz, Alesz, Alsz, Halsz), Alboldus, Albert (Albart, Jalbert, Olbert), Olgierz, Alardus, Alheidis (Aleidis), Olrzych (Olrzyk), Olsand.

У Прусіі бытавалі імёны Allicke, Algart / Algarde (1398 і 1400 гады), Algaude (1300 год), Algutte / Algotte (1399 і каля 1400 году), Allemanne (1337 год), Alwide.

У Беластоку адзначалася прозьвішча Ольвік: Paulus Olwik (1762 год).

Варыянты імя ў гістарычных крыніцах: Oliszki (1744 год); Parafia Opitołocka… Elyszki, wioska (1784 год).

На гістарычным Падляшшы існуюць вёскі:

• Алішкі каля Беластоку;
• Алішкі каля Монькаў.

На 1924 год каля Мазыру існавала вёска Олава (Алова), назву якой зьвязваюць з адпаведным германскім (паўночнагерманскім) імём.

Алішкен (Alischken) — былая вёска каля Інстэрбургу ў Прусіі.