Laima: латвійская кандытарская кампанія

Штаб-кватэра знаходзіцца ў Рызе.

Лайма

Laima
Дэвіз	Любоў натхняе
Заснаваная	1870
Заснавальнікі	Тэадор Рыгерт
Уласьнікі	Orkla Latvija[d]
Краіна	Латвія
Разьмяшчэньне	Рыга
Адрас	вуліца Міера, 22
Закрытая	10 лютага 2016
Ключавыя фігуры	Даўмантс Віталс
Галіна	харчовая прамысловасьць
Прадукцыя	кандытарская прадукцыя
Абарачэньне	€ 10,842 млн (2013)
Чысты прыбытак	€ 5,75 млн
Лік супрацоўнікаў	148 (2013)
Матчына кампанія	Orkla
https://www.laima.lv/
Лайма ў Вікісховішчы

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Лайма (неадназначнасьць).

У 1870 року ліфляндзкі прадпрымальнік Тэадор Рыгерт заснаваў у Рызе першую ў Латвіі кандытарскую фабрыку, адкуль адлічваецца дата заснаваньня «Лаймы». У XIX стагодзьдзі прадпрыемства Рыгерта стала адной з найбуйнейшых кандытарскіх кампаніяў Балтыйскіх губэрняў Расейскай імпэрыі, прадукцыя якой пастаўлялася па ўсёй Расеі.

Пасьля здабыцьця незалежнасьці Латвіяй кампанія здолела ўтрымаць свае пазыцыі, нягледзячы на страту расейскага рынку. У 1925 року пасьля аб’яднаньня з вытворчасьцю братоў Эліяху і Леаніда Хромчанкаў кампанія займела сваю цяперашнюю назву ў гонар латыскай багіні року Лаймы. Прадпрыемства хутка разьвівалася ў да 1930 року налічвала ўжо 500 супрацоўнікаў. У 1933 року браты Хромчанкі прадалі сваю дзелю ў кампаніі ды зьехалі ў Палестыну, дзе заклалі шакалядную фабрыку «Эліт».

Да 1938 року прадукцыя фабрыкі «Лайма» экспартавалася ва ўсе эўрапейскія дзяржавы. На вуліцы Міера быў збудаваны новы корпус. Да канца 1930-х у незалежнай Латвіі «Лайма» прыносіла ад 4 да 5 мільёнаў латаў прыбытку штогод, а на прадпрыемстве працавалі болей за 1000 чалавек. Агульны аб’ём экспарту прадукцыі «Лаймы» ў 1939 року склаў больш за 500 тонаў.

Пасьля Другой сусьветнай вайны аднаўляць вытворчасьць давялося «з нуля», бо ўсё абсталяваньне было вывезенае ў Нямеччыну. Савецкі ўрад нацыяналізаваў прадпрыемства. Кандытарская фабрыка «Лайма» засталася асноўным кандытарскім прадпрыемствам у Латвіі і пашырыла асартымэнт прадукцыі. Толькі карамэлі выпускалася па 40—45 тонаў штодня. Ужо да 1960-х рокаў прадукцыя фабрыкі стала асацыявацца з адным з абавязковых сувэніраў, якія варта было прывезьці з Латвійскай ССР нароўні з шпротамі і рыскім чорным бальзамам(d).

У пачатку 1960-х фабрыка больш пачала спэцыялізавацца на вытворчасьці ірысу, цукерак, шакаляду і шакалядных вырабаў. Дзякуючы ўсталяваньню новых машынаў аб’ём прадукцыі вырас у 5,6 разу. Да 1987 року фабрыка мела 96 розных відаў кандытарскіх вырабаў, 36 зь якіх былі распрацаваныя самімі майстрамі «Лаймы».

Пасьля аднаўленьня незалежнасьці Латвіі прадпрыемства было прыватызаванае, а ў 1998 року аб’ядналася з ААТ «Uzvara» (бел. Узвара). У 2000 року адбылося аб’яднаньне з адной з найбуйнейшых кандытарскіх фабрыкаў «Staburadze», дзякуючы чаму павялічыўся аб’ём экспарту.

26 жніўня 2014 року «Лайму» набыла нарвэская кампанія «Orkla».

Паводле стану на 21 лістапада 2017 «Лайма» выпускала каля 200 розных найменьняў тавараў. Прадукцыя экспартавалася ў 27 краінаў сьвету.

У міжваенны пэрыяд «Лайма» ўзяла ўдзел у некалькіх сусьветных рамесна-прамысловых выставах у Парыжы і Лёндане; тады фабрыка атрымала Гран-пры. Адзін з найвышэйшых прызоў на выставе ў Парыжы атрымала і навінка фабрычнай шакаляднай вытворчасьці 1937 року — шакалядныя цукеркі «Сэрэнада», — якая й дагэтуль застаецца ў лінейцы прадукцыі.

У 1966 року «Лайма» ўзнагароджаная ордэнам Працоўнага Чырвонага Сьцяга СССР. На міжнародных выставах у Нью-Ёрку, Ляйпцыгу, Вене, Брусэлі й на тэрыторыі Чэхаславаччыны атрымлівала залатыя і срэбныя ўзнагароды.

  Laima — сховішча мультымэдыйных матэрыялаў

• Афіцыйная бачына  (лат.) (анг.) (рас.)
• Прадукцыя «Лаймы»  (славацк.) (анг.)