Joy Division (Джой Дывіжн) — брытанскі рок-гурт, утвораны ў 1976 годзе ў Салфардзе (Salford), Вялікі Манчэстэр (Greater Manchester).
Разам з Siouxsie and the Banshees ды The Cure зьяўляюцца адным з заснавальнікаў пост-панку. Праіснаваўшы тры гады й выпусьціўшы два альбомы, гурт распаўся ў траўні 1980 пасьля самазабойства вакаліста і аўтара песень Ена Кэртыса (па-ангельску: Ian Curtis, у іншай траскрыпцыі — Ян Кёртыс). Удзельнікі гурта, празь некалькі месяцаў, утварылі вядомую групу New Order, якая існуе і па гэты дзень (2006).
Joy Division | |
Інфармацыя | |
---|---|
Гады | з 1976-1977 па 1980 |
Адкуль | Салфард, Вялікі Манчэстэр |
Мова | ангельская мова |
Жанр(ы) | пост-панк, панк-рок, darkwave |
Выдавец | Factory Records |
Удзельнікі | Ен Кэртыс Бэрнард Самнэр Пітэр Хук Стывэн Морыс |
Узнагароды і прэміі | |
http://joydivisionofficial.com/ |
Joy Division і Ен Кэртыс паўплывалі на вялікую колькасьць груп і музыкаў, сярод якіх U2, The Smashing Pumpkins, Трэнт Рэзнар (Nine Inch Nails), Робэрт Сміт (The Cure). Значэньне Joy Divison навочна паказвае выбар лепшых сьвяточных песень усіх пор (all-time Festive 50), складзены Джонам Пілам на брытанскім радыё напярэдадні зьмены тысячагодзьдзя па выніках галасаваньня слухачоў. На першым месцы апынулася кампазыцыя "Atmosphere", на трэцім "Love Will Tear Us Apart", і яшчэ тры песьні Joy Division трапілі ў топ 50.
За час існаваньня Joy Divison выйшлі толькі два іх альбома: "Unknown Pleasures" і "Closer", прычым другі быў афіцыйна выдадзены ўжо пасьля сьмерці Кэртыса.
Год | Назва | Нататкі |
---|---|---|
1979 | Unknown Pleasures | Студыйны альбом |
1980 | Closer | Студыйны альбом |
1981 | Still | Зборнік нявыдадзеных раней песень, а таксама запіс апошняга канцэрту (травень 1980 г.) |
1988 | Substance | Збор песень са ўсіх сінглаў і міні-альбомаў, якія выйшлі ў 1978-1980 гг. |
1990 | The Peel Sessions | Зборнік 2 радыёвыступаў 1979 г., якія раней выйшлі на міні-альбомах у 1986 і 1987 гг. |
1994 | Warsaw | Нявыдадзены раней студыйны альбом, запісаны ў траўні 1978 г. Упершыню выйшаў на бутлеге 1981 г. |
1995 | Permanent | Зборнік |
1997 | Heart And Soul | Поўны збор прац групы, уключаючы нявыдадзеныя студыйныя дублі і канцэртныя запісы (4 дыска) |
1999 | Preston 28 February 1980 | Нявыдадзены раней запіс канцэрту (люты 1980 г.) |
2000 | The Complete BBC Recordings | Дапоўненае выданьне "The Peel Sessions" (уключае тэлевыступы і інтэрв'ю) |
2001 | Les Bains Douches 18 December 1979 | Нявыдадзены раней запіс канцэрту (сьнежань 1979 г.) |
2004 | Re-Fractured Box Set | Збор Preston і Les Bains Douche разам з трэцім дыскам з запісам канцэрту ў Амстэрдаме (студзень 1980 г.) |
Год | Назва | Нататкі |
---|---|---|
1982 | Here Are the Young Men | Канцэртныя запісы (кастрычнік 1979 г.) |
1988 | Substance | Зборнік канцэртных запісаў, тэлевыступаў, а таксама відэякліпаў. Падрыхтаваны да выпуску, але афіцыйна не выдадзены. |
New Order
Joy Division — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Joy Division, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.