13 Сьнежня: дата
13 сьне́жня — 348-ы дзень году (347-ы ў невысакосным годзе) паводле Грыгарыянскага календару. Да канца году застаецца 19 дзён.
| ← сьнежань → | ||||||
| Пн | Аў | Ср | Чц | Пт | Сб | Нд |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
| 2024 год Усе дні | ||||||
Падзеі
- 1545 — распачаўся Трыдэнцкі сабор
- 1575 — у выніку вольнае элекцыі ў Варшаве Ганну Ягелонку абралі каралевай і вялікай княгіняй, аднак неўзабаве ўлада й тытул перайшлі да ейнга новага мужа Стэфана Баторыя
- 1595 — запароскія казакі С. Налівайкі захапілі Магілёў, разрабавалі й спалілі яго (у тым ліку шэраг цэркваў)
- 1620 — Ворша атрымала герб
- 1919 — адбыўся раскол Рады БНР на Найвышэйшую Раду й Народную Раду БНР. Старшынём Рады БНР стаў Пётра Крэчэўскі
- 1981 — у зьвязку з ростам папулярнасьці прафсаюзу «Салідарнасьць» камуністычныя ўлады ўвялі ў Польшчы ваеннае становішча
- 1994 — у Масачусэцкім тэхналягічным інстытуце (ЗША) прайшла першая арґанізацыйная сустрэча кансорцыюму World Wide Web, створанага як міжнародная асацыяцыя для распрацоўкі й пашырэньня ўніфікаваных пратаколаў перадачы зьвестак у інтэрнэце
Нараджэньні
- 1797 — Гайнрых Гайнэ, нямецкі паэт
- 1816 — Эрнст фон Сымэнс, нямецкі вынаходнік і заснавальнік аднайменнае фірмы
- 1873 — Валеры Брусаў, расейскі літаратар-мадэрніст
- 1886 — Дыега Рывэра, мэксыканскі мастак
- 1907 — Мікалай Лапіцкі, сьвятар, настаяцель першае беларускае царквы на эміграцыі (Рэгенсбург)
- 1936 — Аляксандар Зубаў, беларускі мовазнаўца
Сьмерці
- 1466 — Данатэла, італьянскі мастак
- 1603 — Франсуа Віет, францускі матэматык
- 1867 — Артур Гротгер, польскі мастак
- 1894 — Хуан Ляон Мэра, эквадорскі пісьменьнік
- 1919 — Платон Жуковіч, расейскі гісторык Беларусі, Польшчы й Украіны XVII—XVIII стагодзьдзяў
- 2006 — Лаёла дэ Паласіё, гішпанская палітычная дзяячка
Сьвяты
- У Беларусі традыцыйна ўшаноўваецца Андрэй. Як адзначае этнограф Уладзімер Васілевіч, дзень сьвятога Андрэя асабліва славіўся варажбою дзяўчатаў: «Сьвяты Андрэю, я каноплі сею, дай мне знаць, з кім буду рваць». Каб жаданьні збываліся, дзяўчаты цэлы дзень пасьцілі й пазьбягалі размоваў. Станоўчы альбо адмоўны вынік гэтае варажбы можна было пабачыць толькі вясною, калі пасеянае ўзыходзіла альбо не.
Мальта: Дзень Рэспублікі
This article uses material from the Wikipedia Беларуская (тарашкевіца) article 13 сьнежня, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.