Шклоўскі Замак

Помнік абарончай архітэктуры
Шклоўскі замак
Сядзіба на Зашчышчы, 1769—1778 г.
Краіна	Беларусь
Места	Шклоў
Каардынаты	54°11′00.35″ пн. ш. 30°19′19.24″ у. д. / 54.1834306° пн. ш. 30.3220111° у. д. / 54.1834306; 30.3220111 30°19′19.24″ у. д. / 54.1834306° пн. ш. 30.3220111° у. д. / 54.1834306; 30.3220111
Дата заснаваньня	XVI стагодзьдзе
Статус	Ахоўная зона
Шклоўскі замак на мапе Беларусі Шклоўскі замак

Шклоўскі замак — помнік гісторыі і абарончай архітэктуры ў Шклове. Знаходзіўся на высьпе сярод штучнага става, утворанага на рацэ Шклоўцы. Існаваў у XVI—XVII стагодзьдзях.

Замак у Шклове збудавалі ў XVII ст. на захад ад гарадзкіх умацаваньняў.

У гістарычных крыніцах XVIII ст. ужо не ўпамінаецца.

Пэрымэтрам замкавага двара стаялі драўляныя ўмацаваньні: ад ракі, з боку «поля» — гародні, з боку места — вастракол. Замкавы комплекс злучаўся з гарадзкімі ўмацаваньнямі праз драўляны мост «на ізьбіцах», які падводзіў да замкавай брамы «з узводам» — пад’ёмным мостам «на чопах жалезных з рэфамі жалезнымі».

У падарожных запісах князя Багуслава Радзівіла, апроч брамы, упамінаюцца дзьве іншыя вежы. Паводле інвэнтару 1661 году, у цэнтры замкавага двара існавала яшчэ адна высокая драўляная вежа, прыстасаваная дзеля абстрэлу навакольля. У цэйхгаўзе эамка захоўваліся 12 гармат, адна вялікая і 20 малых марцір, 183 гакаўніцы, 44 гранаты рознага калібру, ядры, запас пораху ды іншае.

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2003. — Т. 17: Хвінявічы — Шчытні. — 512 с. — ISBN 985-11-0279-2