Храптовічы

3 2-й пал. XVIII ст. ўжывалі графскі тытул.

Храптовічы

Герб «Адравонж»
Краіна паходжаньня	Вялікае Княства Літоўскае
Тытул	графы

Мелі маёнткі ў Наваградзкім, Лідзкім і Гарадзенскім паветах, на Валыні (XVI ст.), таксама ў Віцебскім павеце і Полацкім ваяводзтве (XVII ст.), валодалі Бешанковічамі і Глыбокім (XVIII ст.).

Пачынальнік роду — баярын Багдан, які жыў у сярэдзіне — другой палове XV ст. Сьпярша вызнавалі праваслаўе, у XVI ст. перайшлі ў каталіцтва. Адна галіна роду — нашчадкі Івана, сына Багдана, — карысталася прозьвішчам Літавор-Храптовічы (ад мянушкі Івана), другая — нашчадкі Багдана, сына Марціна — Храптовічы-Багурынскія (ад вёскі Багурын на Валыні).

Па сьмерці ў 1891 апошняга прадстаўніка графскай галіны роду Міхала, сына Ірынея, прозьвішча і тытул перайшлі да прадстаўнікоў роду Буцянёвых, якія пачалі звацца Храптовічамі-Буцянёвымі. Галіна Храптовічаў-Багурынскіх згасла на Валыні ў 1757, яе гарадзенская лінія — у 1890, лідзкая лінія існавала на пач. XX ст.

• Мялеці Храптовіч (?—1593) — архімандрыт Кіева-Пячэрскага манастыра, япіскап уладзімера-берасьцейскі
• Юры Храптовіч (1586—1650) — ваявода парнаўскі і наваградзкі
• Яўхім Храптовіч (1729—1812) — апошні канцлер вялікі літоўскі

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
• Храптовіч-Буцянёва В. А. Злом: (1939―1942): успаміны [пераклад Таццяны і Яўгена Лецкаў; прадмова Я. Лецкі]. — Мінск: Кнігазбор, 2011. - 275 с. - 500 экз. ISBN 978-985-7007-23-3

  Храптовічы — сховішча мультымэдыйных матэрыялаў